Палкоўнік УСУ: У Пуціна не атрымаецца адкінуць УСУ з Курскай вобласці

З некалькіх прычынаў.

Палкоўнік запасу УСУ, лётчык-інструктар, ваенны эксперт Раман Світан у аглядзе фронту на «24 Канале» расказаў, што ў расейскіх войскаў не атрымаецца адкінуць УСУ з Куршчыны.

Світан адзначыў, што ёсць некалькі прычынаў, чаму расейцы не здолеюць выканаць сваю задачу на Куршчыне:

– Сілы абароны Украіны там добра зачапіліся.

– Войскі КНДР не даюць расейцам ніякай перавагі, наадварот, прыкметная дэзарганізацыя на розных кірунках, калі часткі войскаў КНДР першымі трапляюць пад удары тады, калі трэба хутка прымаць пастановы ў камунікацыі, а яны не гатовыя працаваць у звязку з расейцамі.

«Наша групоўка на Куршчыне ўзмацняецца менавіта для выканання асноўнай там задачы. Гэта знішчэнне войска ворага. Задача любога войска, якое абараняецца, знішчыць як мага больш варожай тэхнікі і асабовага складу, што мы і робім на Курскім кірунку», – заўважыў палкоўнік запасу УСУ.

Удар шахеда па доме ў Белгарадзе

Нядаўна было абнародаванае відэа ўдару БпЛА па жылым доме ў Белгарадзе. Паводле словаў лётчыка-інструктара, расейцы спачатку гаварылі, што гэта ўкраінскія БПЛА ўдарылі па мірным расейскім насельніцтве, спрабуючы расхістаць міжнародную супольнасць.

«У гэты ж момант з'явіліся кадры, дзе выразна відаць, што заходзіць на выкананне баявой задачы ў знішчэнні расейскіх цывільных асобаў іх жа “Шахед”. Гэта той самы “разанскі цукар”. Так у свой час больш за 20 гадоў таму расейская ФСБ падрывала свае ж шматпавярхоўкі», – падкрэсліў вайсковы эксперт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com