«Грошай Лукашэнку не дадуць нават блізкія “сябры”»
8- 12.11.2024, 22:29
- 12,516
Ім не да дробнага папрашайкі.
Візіт Лукашэнкі ў Азербайджан, у сутнасці, нічога, акрамя карцінкі і стомленасці, не прынясе, адзначае тэлеграм-канал «Нік і Майк».
Грошай Сіняпальцаму не дадуць нават блізкія «сябры». Азербайджан і раней не вызначаўся шчодрасцю – адзін раз пазычыў на месяц 200 мільёнаў. І ўсё.
Эміраты могуць павячэраць у цесным сямейным коле без міністра замежных справаў і іншых чыноўнікаў, але на гэтым усё.
Сербія не будзе «перазагружаць» стасункі, а захавае свой павольны дрэйф у бок Еўрапейскага Звязу. Стаць часткай «восі зла» азначае цалкам знішчыць тое, што засталося ад дзяржавы.
Зімбабвэ і іншыя афрыканскія сябры не могуць змяніць сітуацыю кардынальным чынам, а падтрымка «на выбарах» Сіняпальцага не вартая нічога. Хутчэй нават наадварот.
Для Лукашэнкі саміт – адзін з апошніх міжнародных бенефісаў у спробе паказаць ужо толькі самому сабе, што ён яшчэ камусьці патрэбны.
На пастанову хаўрусніка з Крамля маўчаць на тэму «выбараў» гэты саміт не паўплывае. На кошты калійных угнаенняў – таксама.
Самая сур'ёзная задача – даціснуць недакурка на грошы і публічную падтрымку. Ці хоць бы на нешта адно з гэтага. Для гэтага давядзецца некалькі разоў з'ездзіць «на паклон» у Крэмль. Аднак там заклапочаныя перамогай Дональда Трампа на выбарах і адсутнасцю грамадзянскай вайны ў ЗША. Не да дробнага папрашайкі.
Тым часам унутры краіны ўсё больш абсурду. Людзі, якія смяюцца з таго, што ў Туркменістане забараняюць чорныя аўтамабілі і прымушаюць іх перафарбоўваць у белы, абсалютна не зважаюць на тое, што даручаюць замяніць чырвона-белыя строі Дзеда Мароза на, напрыклад, бела-блакітныя.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
