Названыя 10 смартфонаў 2024 года з найлепшымі суадносінамі кошту і якасці

У рэйтынг патрапілі мадэлі ад Samsung, Google, Apple.

Выданне CNET апублікавала матэрыял, у якім названыя смартфоны з найлепшымі суадносінамі кошту і якасці на стан лістапада 2024 года. У іх атрымаўся невялікі спіс з дзесяці тэлефонаў.

У рэйтынг патрапілі мадэлі ад Samsung, Google, Apple, OnePlus, Motorola і TCL. Самы «дарагі» тэлефон у падборцы абыдзецца на $700, а самы танны – у раёне $120.

Google Pixel 8a – найлепшы Android да 500 даляраў. Смартфон «настолькі добры, што робіць звычайны Pixel 8 амаль неактуальным», гаворыцца ў аглядзе. У Pixel 8 за 700 даляраў лепшыя камеры, большы дысплэй і ёсць бесправадная зарадка, але гэтыя паляпшэнні не здаюцца дастаткова значнымі для пераплаты.

Moto G Power 5G (2024) – найлепшы тэлефон да 300 даляраў. Смартфон уяўляе з сябе выдатнае спалучэнне функцыянальнасці, магутных камераў, годнага акумулятара і прэміяльнага дызайну з веганскай скуры. І ўсё гэта з даступным коштам.

iPhone 14 – найлепшы смартфон Apple «за свае грошы». Менавіта на яго варта абнавіцца з 11-га ці больш старога iPhone, мяркуюць эксперты. Пры гэтым свежыя версіі iOS на iPhone 14 будуць прыходзіць яшчэ мінімум 4 гады, так што актуальнасці сваёй ён не страціць і з выхадам IPhone 20xx.

OnePlus 12R – годны ўніверсал. Гэты тэлефон уразіў экспертаў сваёй прадукцыйнасцю (за яе адказвае экс-флагманскі Snapdragon 8 Gen 2) і часам аўтаномнасці. Таксама вы атрымліваеце хуткую зарадку 80 Вт, якая зараджае батарэю з 0% да 100% усяго за 30 хвілінаў.

Samsung Galaxy A03S – ультрабюджэтны варыянт. Апарат, які складаецца з адных кампрамісаў, але за $160 ён прапануе ўсе неабходныя функцыі і спраўляецца з большасцю асноўных задачаў. Таксама вытворца абяцаў выпускаць для прылады патчы бяспекі цягам чатырох гадоў, што нечувана для такога таннага тэлефона.

Motorola Moto G 5G (2024) – самы прыгожы недарагі тэлефон. Ён захаваў шматлікія асаблівасці сваёй даражэйшай мадэлі $250 2023 года, такія як экран з частатой абнаўлення 120 Гц і два дынамікі, але разам з тым атрымаў палепшаны дызайн і NFC для бескантактавых плацяжоў. А ягоныя камеры адны з найлепшых у сваім класе.

Google Pixel 7a – найлепшы варыянт са зніжкай. Прылада, якая прасцейшая, чым новы Pixel 8a, але ўсё яшчэ можа ўяўляць цікавасць, калі патрэбны камерафон ад Google без вынаходстваў.

TCL 50 XL 5G – найлепшы смартфон да 150 даляраў. Гэта адзін з самых даступных варыянтаў, які прапануе дысплэй з частатой абнаўлення 120 Гц і NFC для Google Pay і бескантактавых плацяжоў. Пры гэтым апарат пастаўляецца з 6 ГБ аператыўнай памяці і нядрэнным чыпам MediaTek Dimensity 6100+.

Samsung Galaxy A15 – найлепшы недарагі Samsung. Просты выбар для тых, хто хоча набыць смартфон, які праслужыць доўгія гады. Ён дае доступ да яркага AMOLED-дысплэя і магутнай батарэйкі, запытваючы за гэта не больш за 200 даляраў.

iPhone SE (2022) – найлепшы недарагі Айфон. Пакуль Apple не выпусціла новае пакаленне SE, мадэль 2022 застаецца самым даступным iPhone у асартыменце кампаніі. Няхай яго дызайн прыкметна састарэлы, ён з лішкам кампенсуе гэта ўнутраным начыннем, абсталяваным тым самым магутным працэсарам A15 Bionic, што і iPhone 13.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com