Трамп абвясціў імя свайго дарадцы ў нацбяспецы

Ён з'яўляецца экспертам у пытаннях пагрозаў з боку Кітая і Расеі.

Абраны прэзідэнт ЗША Дональд Трамп пацвердзіў прызначэнне кангрэсмэна ад Флорыды Майка Уолца дарадцам у нацыянальнай бяспецы ў сваёй будучай адміністрацыі.

Як паведамляе «Еўрапейская праўда», адпаведную заяву распаўсюдзіла кампанія Трампа.

Трамп адзначыў, што ягоны будучы дарадца ў нацыянальнай бяспецы з'яўляецца «экспертам у пытаннях пагрозаў з боку Кітая, Расеі, Ірана і глабальнага тэрарызму».

«Майк быў катэгарычным прыхільнікам маёй знешнепалітычнай праграмы “Амерыка перш за ўсё” і будзе вялікім прыхільнікам нашага імкнення да міру праз сілу!» – падсумаваў абраны амерыканскі прэзідэнт.

Уолц – ветэран войска ЗША і першы «зялёны берэт» (служыў у Сілах спецаперацый ЗША), які абраўся ў Кангрэс.

Уолц мае досвед працы ў Пентагоне дарадцам, а таксама працаваў у сектары абароны кіраўніком аднаго з падраднікаў Мінабароны. У Палаце прадстаўнікоў ён займаецца тэмай супрацьстаяння Кітаю і змяншэння залежнасці ад кітайскіх рэсурсаў і ўважаецца за аднаго з самых жорсткіх яго крытыкаў у Рэспубліканскай партыі.

Нягледзячы на адсутнасць досведу працы ў адміністрацыі Трампа, Уолц падтрымлівае з ім сяброўскія стасункі – не ў апошнюю чаргу таму, што Уолц актыўна абараняе экс-прэзідэнта падчас выступаў на Fox News, – і кансультуе яго ў пытаннях нацыянальнай бяспекі.

Ён выступае за далейшую падтрымку Украіны, але з упорам на кантроль за выдаткамі сродкаў амерыканскіх падаткаплацельнікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com