Reuters: Перамога Трампа можа нанесці падвойны ўдар па эканоміцы Вугоршчыны
- 13.11.2024, 17:17
- 5,652
Вугорскі цэнтрабанк, імаверна, перастараўся са змякчэннем ставак.
Перамога Дональда Трампа можа стаць палітычным дабром для вугорскага лідара Віктара Орбана, але ў эканамічным плане - гэта дрэнная навіна для Будапешта. Новы прэзідэнт ЗША ўзмацняе інфляцыйныя рызыкі.
Выданне Reuters піша, што ў той час як форынт і так знаходзіўся на завуголлі пасля апошняга зніжэння стаўкі вугорскім цэнтральным банкам у верасні, ашаламляльная перамога Трампа прывяла да таго, што найгоршая валюта Цэнтральнай Еўропы апусцілася да ўзроўню 2022, калі банк пачаў экстраннае павышэнне ставак.
Некаторыя стратэгі і кіраўнікі фондаў кажуць, што гэта можа быць толькі прэлюдыяй да больш сур'ёзнага падзення, калі Трамп выканае свае перадвыбарныя абяцанні па падвышэнні тарыфаў у дачыненні да Кітая і Еўропы.
«Перамога Трампа на выбарах дадае новыя рызыкі для Вугоршчыны», – сказаў Роджэр Марк, аналітык кіроўнай кампаніі Ninety One.
Пры гэтым ён дадаў, што дынаміка форынта пасля выбараў у ЗША была «нашмат лепшай, чым чакалася», нягледзячы на першапачатковае падзенне.
Са слоў стратэга Societe Generale Марэка Дрымала, нягледзячы на тое, што ў Вугоршчыне па-ранейшаму дзейнічае самая высокая ў ЕЗ базавая стаўка 6,5%, цэнтральны банк краіны, імаверна, перастараўся са змякчэннем ставак.
Сутыкнуўшыся са слабой эканомікай, урад Орбана неаднаразова ціснуў на цэнтрабанк, патрабуючы значнага зніжэння ставак, бо ён рыхтуецца да выбараў у 2026 годзе.
Міністр фінансаў Міхалі Варга, які, як чакаецца, зменіць крытыка Орбана Дзьёрдзя Матолчы на пасадзе кіраўніка банка, заявіў, што інфляцыя павінна быць галоўным прыярытэтам банка, але ён таксама павінен «супрацоўнічаць» з урадам у пытаннях эканамічнай палітыкі.
Некаторыя інвестары асцерагаюцца, што большасць палітыкаў, якія падтрымліваюць Орбана, можа прывесці да больш значнага зніжэння ставак для стымулявання росту напярэдадні выбараў, што ўдарыць па курсе форынта і падштурхне інфляцыю, якая летась перавысіла самы высокі ўзровень у ЕЗ - больш за 25%.
«Наступнаму кіраўніку давядзецца выбіраць паміж умацаваннем даверу да цэнтральнага банка і яго незалежнасці шляхам засяроджвання ўвагі на яго асноўнай мэце – дасягненні цэнавай стабільнасці – і саступкай росту палітычнага ціску, каб падтрымаць эканамічны рост», – кажа Віктар Сабо, кіраўнік фондам abrdn.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
