З Беларусі ўбывае працоўная сіла

Сітуацыя выдзяляецца адразу па некалькіх пунктах.

Еўрапейская эканамічная камісія падала аналіз рынкаў працы краін - членаў ЕАЭС. Выявілася, што сітуацыя ў Беларусі ўнікальная па некалькіх параметрах: жаночая праца, нізкі заробак і змяншэнне кадраў, пішуць «Белорусы и рынок».

У 2023 годзе колькасць працоўнай сілы ва ўсім «Еўразійскім эканамічным саюзе» вырасла на 0,3%. У той самы час у Беларусі яна скарацілася. Паводле звестак камісіі, у 2023 годзе сярод усіх краін ЕАЭС лідарам па прыросце працоўнай сілы стала Арменія - плюс 2,2%, не моцна адстае Кыргызстан - плюс 2,1%. У Казахстане за год стала на 1,1% больш працоўнай сілы, а ў Расеі - на 0,5%. Негатыўная тэндэнцыя назіралася толькі ў Беларусі - мінус 1,1%.

Змяншэнне працоўных рук у краіне адбываецца на фоне самага высокага ў ЕАЭС узроўню ўдзелу насельніцтва ў працоўнай сіле: у нас 69,7% людзей альбо працуюць, альбо шукаюць працу. У Арменіі і Кыргызстане, напрыклад, гэты ўзровень ніжэйшы за 60% (у асноўным за кошт непрацуючых жанчын).

Чым адрозніваюцца працаўнікі?

Беларускі рынак працы выдзяляецца тым, што толькі ў нас мужчыны не пераважаюць сярод занятага насельніцтва. У нашай краіне 50,3% працоўных - гэта жанчыны. Тады як, напрыклад, у Кыргызстане на долю мужчын прыпадае 61% занятасці.

Таксама беларускі рынак працы адрозніваецца індустрыяльнай структурай: у нас самая вялікая сярод краін ЕАЭС доля працаўнікоў занятая ў сферы прамысловасці - 24%. Тады як у сферы паслуг працуе толькі 61%. Для параўнання: у Расеі і Казахстане ў паслугах занята амаль 69% працоўных.

У Беларусі ў структуры занятасці пераважаюць працаўнікі 30-54 гадоў. У параўнанні з іншымі краінамі ў нас найбольшая доля работнікаў ва ўзросце 55-59 год. Больш за ўсё паджылых працоўных (старэйшыя за 65 гадоў) у Арменіі, а маладых (малодшых за 24) — у Кыргызстане.

Самая адукаваная працоўная сіла - у Казахстане, тут 44% занятых маюць вышэйшую адукацыю і яшчэ 46% - сярэднюю прафесійную. У Беларусі гэтыя долі прыкметна меншыя — 35,8% і 23% адпаведна. У нашай краіне больш, чым у краінах-партнёрах, доля работнікаў з пачатковай прафесійнай адукацыяй - 27%.

Члены «Еўразійскага саюза» моцна адрозніваюцца па ўзроўні аплаты працы. У 2023 годзе разрыў паміж самым высокім (Расея — 884 даляры) і нізкім заробкам (Кыргызстан — 360 даляраў) склаў 2,5 разы. Беларусь па суме заробку знаходзіцца на перадапошнім месцы ў саюзе — 639 даляраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com