У Беларусі з продажу канфіскавалі небяспечную дзіцячую касметыку

Некаторыя інгрэдыенты могуць стаць крыніцай скурнай інфекцыі.

Падчас праверкі аднаго з міні-рынкаў у Гародні супрацоўнікі абласной інспекцыі Дзяржстандарта звярнулі ўвагу на набор дзіцячай касметыкі «Зорка вечарынкі» кітайскай вытворчасці. Высветлілася, што гэтая касметыка не адпавядае патрабаванням бяспекі, якія выстаўляюцца для падобнай прадукцыі, піша newgrodno.by.

У складзе касметыкі былі фарбавальнікі. Але ў маркіроўцы вытворца не паказаў ні азначнік колеру, ні нейкія агульнапрынятыя пазначэнні. Продаж дзіцячай касметыкі забаранілі.

«Агулам выкарыстанне такой прадукцыі можа быць спалучанае з небяспекамі. Дзіцячая скура нашмат далікатнейшая, чым скура дарослых, і некаторыя інгрэдыенты касметыкі могуць выклікаць раздражненне або нават алергічную рэакцыю, а часам стаць прычынай і скурных інфекцый», - распавялі ў абласной інспекцыі Дзяржстандарту.

Там нагадалі, што касметыка для дзяцей мусіць быць бяспечнай. Важна, каб на пакаванні была ўся неабходная інфармацыя ў зразумелым і чытэльным выглядзе аб назове, вытворцы, складзе, тэрміне прыдатнасці, правілах выкарыстання і шматлікім іншым.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com