УСУ знішчылі расейцаў ля Купянска падчас густога туману
- 15.11.2024, 10:50
- 3,236
Украінскі камбат раскрыў падрабязнасці аперацыі.
Расейцы скарысталіся густым туманам, каб рушыць наперад да межаў жылой забудовы Купянска Харкаўскай вобласці. У рэшце Сілы абароны Украіны перашкодзілі ім замацавацца.
Пра гэта паведамляе РБК-Украіна са спасылкай на камандзіра батальёна ўдарных беспілотных авіяцыйных комплексаў "Ахілес" 92-й асобнай штурмавой брыгады імя Кашавога атамана Івана Сірко капітана Юрыя Федарэнкі ў эфіры тэлемарафону.
Паводле слоў Федарэнкі, расейскія тэрарысты, карыстаючыся туманам, рушылі блізка да жылой забудовы, зрэшты, іх своечасова заўважылі. Спачатку Сілы абароны Украіны падбілі бранятэхніку ворага - танк і 2 МТЛБ. Затым на працягу некалькіх гадзін дабівалі пяхотнікаў.
“Тыя, каму ўдалося спешыцца, цягам бліжэйшых 5-6 гадзін таксама былі ліквідаваныя. На сённяшні дзень супраціўніка ў Купянску Левабярэжным няма. Сітуацыя вельмі складаная, але Сіламі абароны кантраляваная”, - адзначыў вайсковец.
Федарэнка таксама нагадаў, што расейцы не далі рады з задачы захапіць Купянск да 1 лістапада і зараз разлічваюць зрабіць гэта хаця б да Новага года.
“Кожны дзень і кожную ноч ідзе жорсткае супраціўленне, таму што вораг спрабуе выканаць пастаўленую задачу. Спачатку ў яго было да 1 лістапада авалодаць Купянска-Вузлавым, Купянскам Левабярэжным. Цяпер тэрміны зрушыліся, гэтую задачу супраціўнік не выканаў, зараз яны павінны выканаць задачу да Новага года”, - растлумачыў ён.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
