Літва прыдумала, як скараціць чэргі на мяжы перад Новым годам
2- 15.11.2024, 16:32
- 3,574
Раней даўжыня чаргі перад святамі магла дасягаць 23 кіламетраў.
Урад Літвы са снежня ўводзіць абавязковую папярэднюю рэгістрацыю для кіроўцаў грузавікоў, якія плануюць уезд у краіну. Гэты захад накіраваны на змяншэнне значных чэргаў, якія ўтварыліся на мяжы з Беларуссю, паведамляе мясцовае выданне LRT.
Рэгістрацыя пачнецца 1 снежня, і кіроўцы змогуць прыбываць у зону чакання бліжэй да запланаванага часу, пазбягаючы доўгіх гадзін чакання ў чарзе без належных умоў. Каб скарыстацца электроннай чаргой, трэба заплаціць рэгістрацыйны збор.
«Папярэдняя рэгістрацыя ўсёй грузавой тэхнікі ў электроннай чарзе з'яўляецца важным захадам для павышэння агульнага ўзроўню бяспекі на мяжы з Беларуссю і Расеяй. І для таго, каб на нашых памежных пунктах больш не ўтвараліся кіламетровыя чэргі з прычэпаў», - адзначаюць у Міністэрстве транспарту і камунікацый Літвы.
Паводле інфармацыі ведамства, найбольш доўгія чэргі фіксуюцца на граніцы з Беларуссю ў снежні і красавіку, перад святамі Калядаў і Вялікадня. Раней максімальная даўжыня чаргі дасягала 23 кіламетраў, у якой чакалі 900 грузавікоў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
