Элітных расейскіх вайскоўцаў адпраўляюць у «мясныя штурмы»

Z-прапагандысты б'юць трывогу.

Крамлю тэрмінова патрэбныя вынікі на полі бою, у сувязі з чым камандаванне ўвогуле перастала лічыцца са стратамі. У так званыя "мясныя штурмы" кідаюць нават каштоўных вайсковых спецыялістаў.

Пра гэта расказаў Міхаіл Палынкоў - расейскі Z-блогер, піша «Дыялог».

«Я бачу пагаршэнне сітуацыі… Некаторыя падраздзяленні ўсіх пераводзяць у штурм. Расфармоўваюць выведку, БПЛА і гэтак далей - і ўсіх у штурму... На паперы падаецца адна колькасць штурмавікоў, а фактычна, выходзіць, іх няма. А там наверсе патрабуюць большай колькасці менавіта жывых штыкоў. Не важна, «пагнутыя» яны (я маю на ўвазе параненых) ці якія, але яны павінны быць у штурмах», - распавёў Палынкаў.

«Мы разумеем стаўленне ўлады да ўсіх нас. Нават не ўлады, сістэмы… Я Расейскую Федэрацыю за дзяржаву не разглядаю. У аснове кожнай дзяржавы ляжыць ідэалогія... Гэта фундамент, на якім будуецца дзяржава. У нас яе няма. Яе замяніў капіталізм, бандытызм, абыякавае стаўленне да асобы… Ідэалогію замянілі камерцыйныя інтарэсы вузкай групы асоб, якая жыве за кошт звышпрыбыткаў ад распродажу рэсурсаў нашай радзімы. Я разглядаю РФ як закрытае акцыянернае таварыства, дзе Пуцін - нязменны генеральны дырэктар», - заявіў Z-блогер.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com