У Аршанскім раёне ўзмацніліся палітычныя рэпрэсіі

Найбольшая ўвага сілавікоў накіраваная на чыгуначнікаў.

З пачатку лістапада ў Аршанскім раёне ўзмацніліся палітычныя рэпрэсіі. Амаль кожны дзень у судзе Аршанскага раёну разглядаюцца справы па “экстрэмісцкіх артыкулах”. Паводле публічнай інфармацыі, бачна, што найбольшую ўвагу сілавікоў прыцягнулі чыгуначнікі, піша orsha.eu.

Як піша выданне, не выходзячы на волю, ужо ў трэці раз быў асуджаны машыніст лакаматыўнага дэпо Юры Жук. Апошні раз яго асудзілі на адміністрацыйны арышт (“суткі”) 13 лістапада, да гэтага ён быў судзімы двойчы.

На мінулым тыдні ў спіс “экстрэмістаў” дадалі ўжо асуджанага Аляксандра Камленку. Да 2020 года ён таксама працаваў машыністам, а апошнім часам быў дальнабойшчыкам. Яго затрымалі сёлета ў лютым, калі ён вярнуўся з рэйса.

Таксама на мінулым тыдні стала вядома, што быў затрыманы Валянцін Мартынаў - манцёр чыгункі. Яго абвінавачваюць паводле крымінальнага артыкула ў распаўсюдзе так званай “экстрэмісцкай” інфармацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com