Растоўскую вобласць РФ атакавалі дроны

Ёсць траплянні па НПЗ і вайсковым аэрадроме.

Уначы 19 лістапада дроны атакавалі Растоўскую вобласць Расеі, прывёўшы да падрыву аўто на трасе Таганрог - Марыюпаль. Мяркуецца, што мэтай беспілотнікаў у рэгіёне маглі быць нафтаперапрацоўчы завод і аэрадром, якія ўжо неаднаразова былі атакаваныя раней.

Мясцовыя ўлады толькі часткова пацвердзілі траплянне, а агулам заявілі аб "адбіцці атакі". Пра хронікі выбухной ночы ў краіне-агрэсары распавёў дарадца мэра Марыюпаля Пётр Андрушчанка.

"З першай да трох ночы не менш за 11 дронаў рознага тыпу атакавалі Растоўскую вобласць", – сцвярджае ён.

Паводле афіцыйнай інфармацыі расейцаў і звестак з месца, зафіксавана траплянне ў Каменск-Шахцінскім (там ёсць НПЗ, які ўжо быў неаднаразова атакаваны цягам года); прылёт у Марозаўску (там размешчаны ваенны аэрадром, які таксама не раз зазнаваў напады); выбухі ў Таганрозе.

Адзначаецца, што падзенне цэлі або наступствы працы расейскай СПА прывялі да падрыву і пажару аўтамабіля на трасе, якая вядзе да Марыюпаля, недалёка ад аэрадрома базавання гелікаптэраў у Таганрозе.

"Афіцыйны Растоў часткова пацвярджае траплянне, што дадаткова паказвае на сур'ёзнасць рэальных наступстваў", – піша Андрушчанка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com