Танкі УСУ прарваліся ў захопленую Новааляксеўку і разбілі пазіцыі расейцаў

Па акупантах білі прамым навядзеннем.

Два ўкраінскія танкі ўварваліся ў акупаванае расейцамі сяло Новааляксеўка Данецкай вобласці і прамым навядзеннем знішчылі некалькі пазіцый расейскіх вайскоўцаў. Відэа апублікаванае ў Telegram-канале “Гострі картузи”.

На кадрах баявой працы ўкраінскіх абаронцаў пасля знішчэння дамоў з акупантамі першы танк выпусціў дымавую заслону і пачаў адступаць.

Са звестак вайскоўцаў, танк УСУ пасля чарговага прастрэлу здзейсніў падманны манеўр

Расейцы паспрабавалі з дапамогай FPV-дрона атакаваць другі ўкраінскі танк, які знаходзіўся на прыкрыцці. Гэтыя спробы скончыліся няўдала, і варожы FPV завіс на адлегласці. Яго аператар чакаў, калі ўкраінскі танк выйдзе на яго, каб знішчыць.

Са звестак вайскоўцаў, танк УСУ пасля чарговага прастрэлу здзейсніў падманны манеўр і выпусціў дымавую заслону. Абодва ўкраінскія танкі выкарыстоўвалі сродкі РЭБ, і пакінулі пазіцыю, аператар жа расейскага FPV не змог выканаць пастаўленую задачу.

OSINT-даследчыкі WarArchive ўстанавілі, што гэтыя падзеі мелі месца ў Новааляксеўцы Данецкай вобласці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com