Пуцін зацвердзіў абноўленую ядзерную дактрыну РФ

У ёй ёсць пункт, звязаны з Беларуссю.

Правадыр Крамля Уладзімір Пуцін зацвердзіў абноўленую ядзерную дактрыну Расеі. Пра гэта гаворыцца ва ўказе расейскага дыктатара, паведамляе РБК.

Указ уступае ў дзеянне ў дзень апублікавання - 19 лістапада.

У дактрыне прапісаны ўмовы, пры якіх Расея можа выкарыстаць ядзерную зброю.

Гэта:

- Атрыманне дакладнай інфармацыі аб пусках балістычных ракет, якія атакуюць тэрыторыю Расеі і (або) яе супольнікаў;

- выкарыстанне супраціўнікам ядзернай і іншых тыпаў зброі масавага знішчэння на тэрыторыі Расеі і (або) яе супольнікаў, на вайсковых фармаваннях і (або) аб'ектах Расеі, размешчаных за межамі яе тэрыторыі;

- уздзеянне супраціўніка на крытычна важныя дзяржаўныя або ваенныя аб'екты Расеі, вывад з ладу, які прывядзе да зрыву дзеянняў у адказ ядзерных сіл;

- агрэсія супраць Расеі ці Беларусі як чальцоў Саюзнай дзяржавы з выкарыстаннем звычайных узбраенняў, якая стварае крытычную пагрозу іх суверэнітэту і (або) тэрытарыяльнай цэласнасці;

- атрыманне дакладнай інфармацыі аб масаваным пуску (узлёце) сродкаў паветрана-касмічнага нападу (стратэгічных або тактычных самалётаў, крылатых ракет, беспілотных, гіпергукавых і іншых лятальных апаратаў) і перасячэнні імі дзяржаўнай мяжы Расеі.

У дактрыне прапісана, што Расея будзе расцэньваць агрэсію з боку дзяржавы са складу ваеннай кааліцыі, блока або саюза як агрэсію такога аб'яднання агулам.

А агрэсія супраць Расеі ці яе саюзнікаў з боку любой няядзернай дзяржавы з удзелам або пры падтрымцы ядзернай дзяржавы будзе разглядацца як іх супольны напад.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com