Зяленскі: Ярмак паедзе ў ЗША «наладжваць працэсы» з камандай Трампа

Кіраўнік Офіса прэзідэнта Украіны накіруецца ў ЗША найбліжэйшым часам.

Прэзідэнт Украіны Уладзімір Зяленскі выказаў упэўненасць у «наладжванні працэсаў» з камандай абранага прэзідэнта ЗША Дональда Трампа. Ён таксама пацвердзіў запланаваную паездку кіраўніка Офіса прэзідэнта Украіны Андрэя Ермака ў Злучаныя Штаты.

Пра гэта ён заявіў у аўторак, 19 лістапада, падчас супольнай прэс-канферэнцыі з прэм'ер-міністрам Даніі Метэ Фрэдрыксэн, паведамляе «Інтэрфакс-Украіна».

«Кантакты з прэзідэнтам Трампам у мяне былі. Я разумею толькі наўпроставыя кантакты паміж прэзідэнтамі. Што тычыцца каманды – у іх ёсць свае кантакты... Што тычыцца наладжвання працэсаў паміж нашымі камандамі – упэўнены, што яны будуць. Што тычыцца камандзіроўкі кіраўніка майго Офіса ў ЗША – яна будзе», – сказаў Зяленскі.

Раней у шэрагу СМІ паведамлялася, што Андрэй Ярмак найбліжэйшым часам накіруецца ў ЗША для перамоваў з прадстаўнікамі каманды Трампа. Паводле звестак медыя, украінскі бок ужо актыўна працуе над устанаўленнем кантактаў з ключавымі людзьмі будучай адміністрацыі ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com