Кітай пабудаваў загадкавы міні-авіяносец

Эксперт расказаў, для чаго ён можа быць выкарыстаны.

Кітай пабудаваў новы авіяносец. Карабель заінтрыгаваў экспертаў сваімі малымі памерамі, на іх думку, ён можа яшчэ больш павялічыць марскую моц Пекіна, якая хутка расце.

Спадарожнікавыя здымкі Planet Labs паказваюць судна з вялікім адкрытым плоскім верхам, якое будуецца на верфі Guangzhou Shipyard International на востраве Лунсюэ ў паўднёвай правінцыі Гуандун. Як піша CNN, са слоў былога камандзіра падводнай лодкі ВМС ЗША, дзейнага навуковага супрацоўніка Цэнтра новай амерыканскай бяспекі Томаса Шугарта, авіяносец мае незвычайную форму і памер. Ён нашмат меншы за ўсіх вайскова-марскіх авіяносцаў Кітая.

Больш за тое, судна меншае нават за дэсантныя караблі Type 075, якія выкарыстоўваюцца ВМС Пекіна. У сувязі з гэтым Шугарт выказаў меркаванне, што Кітай можа будаваць першы ў свеце нібыта «цывільны авіяносец» у якасці нейкага акіянаграфічнага даследчага судна.

Разам з тым гэтае судна таксама можа быць вельмі карысным у гуманітарным плане. Яно можа забяспечваць хуткую дапамогу і эвакуацыю ў небаявых умовах. Пры гэтым, са слоў эксперта, яно будзе эканамічна даступным.

«Яно таксама можа служыць лагістычным і рамонтным суднам у дэсантнай аперацыі пасля таго, як прыбярэжная зона будзе захопленая», - дадаў эксперт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com