СМІ: Расея рыхтуецца да запуску міжкантынентальнай балістычнай ракеты па Украіне
17- 13,626
Гаворка ідзе аб ракеце "РС-26 Рубеж".
Расея можа выкарыстоўваць экспэрыментальную балістычную ракету, патэнцыйна небяспечную для Украіны. Гаворка ідзе аб міжкантынентальнай ракеце "РС-26 Рубеж". Сёння і ў найбліжэйшыя дні важна быць гатовымі да магчымых атак і аператыўна рэагаваць на сігналы трывогі. Пра гэта паведамляе РБК-Украіна.
Расея можа тэставаць ракету "РС-26 Рубеж" не з ядзерным, а з фугасным баявым зарадам на фоне першага прымянення УСУ балістычных ATACMS па вайсковым арсенале каля Карачава Бранскай вобласці.
Мяркуецца, што ракета будзе праходзіць выпрабаванні на ўсходнім кірунку, магчыма, у раёне Астрахані.
РС-26 "Рубеж" - міжкантынентальная балістычная ракета, распрацаваная Маскоўскім інстытутам цеплатэхнікі для замены састарэлых мадэляў у складзе расейскіх стратэгічных сіл.
Яе ключавыя характарыстыкі ўключаюць высокую дакладнасць, далёкасць да 12 тысяч кіламетраў і магчымасць несці некалькі баявых блокаў індывідуальнага навядзення.
Асноўныя тэхнічныя паказчыкі:
- даўжыня блізу 20 метраў;
- дыяметр каля 2 метраў;
- стартавая маса 36 тон;
- баявая нагрузка да 1,2 тоны;
- далёкасць палёту да 12 000 км; - дакладнасць трапляння да 100 метраў.
Ракета абсталяваная раздзяляльнай галаўной часткай з некалькімі баявымі блокамі індывідуальнага навядзення. Гэта дазваляе знішчаць адначасова некалькі цэляў з высокай дакладнасцю. Выкарыстаная сістэма кіравання ўключае інэрцыйнае навядзенне і спадарожнікавую карэкцыю праз сістэму ГЛОНАСС, што робіць ракету асабліва манеўранай.
Для запуску ракеты можа выкарыстоўвацца як шахтавая ўстаноўка, так і мабільная платформа. Падрыхтоўка займае ўсяго каля адной хвіліны, што ўскладняе яе выяўленне і перахоп.
Жыхарам Украіны рэкамендуецца неадкладна рэагаваць на сігналы паветранай трывогі, бо хуткасць балістычнай ракеты значна скарачае час на падрыхтоўку да магчымага нападу.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
