Групу беларусаў усё ж эвакуююць з Лібана

Але без удзелу беларускага боку.

МНС Расеі эвакуюе спецбортам з Лібана 20 беларусаў і 40 расейцаў. Як піша “Зеркало”, пра гэта паведаміў кіраўнік консульскага аддзела пры амбасадзе РФ Алег Дзяміраў.

Дзяміраў расказаў, што вываз 60 чалавек арганізаваны ў каардынацыі з МЗС РФ і пасольствам Расеі ў Лібане.

«Ажыццёўлены спецрэйс МНС Расеі аб дастаўцы гуманітарнай дапамогі Лібанскай Рэспубліцы. На зваротным шляху будзе вывезеная група з 40 грамадзян Расеі і 20 грамадзян Беларусі, якія апынуліся ў складанай жыццёвай сітуацыі і пацярпелі ад вайсковых дзеянняў», - паведаміў дыпламат.

Нагадаем, эвакуацыя нашых суайчыннікаў з Лібана сіламі беларускага боку так і не была арганізаваная, хаця многія іншыя дзяржавы вывозілі адтуль сваіх суграмадзян і не толькі. Так, Украіна яшчэ 1 кастрычніка эвакуявала 134 украінцы і 45 замежнікаў.

Тым часам беларускае пасольства ў Лібане рэкамендавала беларусам пакінуць краіну "камерцыйнымі рэйсамі" або з'ехаць на "больш бяспечныя тэрыторыі".

У пачатку кастрычніка па тэрыторыі Ізраіля з боку Ірана было выпушчана 180 балістычных ракет. Раней пасля працяглых некалькі дзён ракетных і бомбавых удараў па аб'ектах “Хезбалы” ізраільскае войска ўвайшло ў Паўднёвы Лібан, заявіўшы, што мае намер правесці “абмежаваныя, лакалізаваныя і мэтанакіраваныя наземныя рэйды” супраць пазіцый і аб'ектаў групоўкі ў вёсках на поўдні Лібана.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com