У Беларусі ўвядуць пенсійную навацыю для мужчын
8- 21.11.2024, 13:32
- 21,862
Але закране яна не ўсіх.
У Беларусі з 1 студзеня 2025 года ўвядуць адну змену для мужчын. Калі больш канкрэтна, то навіна тычыцца датэрміновага выхаду на пенсію з прычыны ўзросту, піша «Зеркало».
З 2025 года мужчыны ў Беларусі змогуць выходзіць на датэрміновую пенсію з прычыны ўзросту, калі яны выхавалі дзіця з інваліднасцю. Але ёсць важная ўмова - зрабілі гэта без удзелу маці.
Датэрміновую пенсію замест маці прызначаць бацьку, калі яму споўніцца 58 гадоў (жанчыны - у 53 гады).
Стандартны пенсійны ўзрост у Беларусі складае 58 гадоў для жанчын і 63 гады для мужчын. У Мінпрацы напярэдадні заявілі, што пытанне далейшага падвышэння гэтага паказчыка "на парадку дня не стаіць".
Але для гэтага трэба выканаць некалькі патрабаванняў. Першае - выхаваць дзіця мінімум да 8 гадоў. Калі яно з нейкіх прычын не дажыве да гэтага ўзросту, то датэрміновай пенсіі не будзе (гэтае правіла тычыцца і жанчын).
Яшчэ адна ўмова для мужчыны - стаж працы не менш за 25 гадоў. З іх 5 гадоў страхавога стажу, гэта значыць з выплатай страхавых унёску ў Фонд сацабароны насельніцтва. Для маці гэтыя патрабаванні адрозніваюцца - стаж працы не менш за 20 гадоў (з іх - 5 гадоў страхавога).
А як зараз гэта (не) працуе?
"Сёння такая пенсія бацьку можа быць прызначаная толькі пасля таго, як маці дзіцяці сфармавала права на гэту пенсію і адмовілася ад яе на карысць бацькі або не паспела скарыстацца сваім правам у сувязі са смерцю", — тлумачаць у Мінпрацы.
На практыцы ў гэтай схеме ёсць пастка: маці не можа адмовіцца ад датэрміновай пенсіі з прычыну ўзросту на карысць бацькі, калі ў яе самой няма права на такія выплаты. Напрыклад, калі ёй не споўнілася яшчэ 53 гады ці не стае стажу. Прычым дастаткова адной нявыкананай умовы, каб жанчыне не выдалі датэрміновую пенсію з прычыну ўзросту. І нават калі мужчына ў падобнай сітуацыі падыходзіць пад патрабавання для такіх выплат, ён не зможа іх атрымліваць, нават калі маці дзіцяці згодна на гэта.
"У выпадку невыканання адной з умоў права на датэрміновую пенсію ў маці дзіцяці-інваліда на гэтай падставе не ўзнікае, такім чынам, не будзе права на гэты тып пенсіі і ў бацькі дзіцяці-інваліда (інваліда з дзяцінства)", — удакладняюць у камітэце працы, занятасці і сацабароны насельніцтва Берасцейскага аблвыканкама.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
