На Камароўцы знайшлі дарагую елачную цацку коштам туру ў Турцыю
3- 21.11.2024, 20:04
- 7,574
Як яна выглядае?
На Камароўцы знойдзеная навагодняя цацка коштам 7-дзённага адпачынку на моры. Елачныя ўпрыгожанні ў павільёне ў прадаўца ёсць на любы густ і кішэню, нават у форме герояў з дзіцячых мультыкаў, піша CityDog.io.
На інстаграм-старонцы Камароўкі паказалі агляд навагодніх упрыгожванняў. У асартыменце ў Дзмітрыя крыху больш за сем тысячаў упрыгожванняў, з якіх 850 – унікальныя.
Самая дарагая цацка ў форме шкляной гірлянды даўжынёй паўтара метра каштуе 1850 рублёў (ці 544 даляры). Яе мужчына акуратна паказвае пакупнікам толькі ў спецыяльных пальчатках. Самыя танныя ўпрыгожанні ў гэтым павільёне абыдуцца на шэсць рублёў за штуку.
Што ёсць у асартыменце?
У асартыменце Дзмітрыя таксама ёсць і самая высокая цацка даўжынёй 54 см у форме Дзеда Мароза, які трымае падарункі. Яе можна набыць роўна за 1000 рублёў.
Таксама ў продажы можна знайсці і калядныя адвэнт-календары на 24 дні з навагоднімі шклянымі ўпрыгожваннямі. Прадае іх Дзмітрый у двух відах: у форме домікаў за 160 рублёў і класічныя прамавугольныя ў стылі дыснэеўскага мультыку «Беласнежка і сем гномаў» за 165 рублёў.
Для аматараў падарункавых набораў ёсць варыянт за 140 рублёў: у ім 24 цацкі, а для фанатаў кніг Ханса Крысціяна Андэрсана ёсць механічныя ўпрыгожанні ў форме герояў апавяданняў. Кошт адной – 260 рублёў.
А ёсць незвычайныя цацкі?
Для разнастайнасці сёлета Дзмітрый прывёз беларусам і новыя цацкі. Напрыклад, ёсць буслы і зубры за 120 рублёў, птушкі, якія рухаюцца на прышчэпках за 55 рублёў і іншыя.
Калі памятаеце, летась мужчына прадаваў эксклюзіўныя елачныя цацкі з натуральнымі камянямі і крышталямі Swarowski. У 2023 годзе ўпрыгожанні ў выглядзе матылькоў і птушкі фенікса каштавалі ў раёне 200–300 рублёў. А сёлета самая дарагая цацка ў асартыменце Дзмітрыя каштуе 1850 рублёў.
Для параўнання: тур у Турцыю на сем дзён у 5-зоркавы гатэль за 500 метраў ад мора цяпер турагенцтвы прадаюць за 1428 рублёў. Праўда, вылет будзе з Масквы, таму давядзецца яшчэ крыху даплаціць за дарогу.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
