Беларуская зорка Галівуду адзначае юбілей
1- 22.11.2024, 15:40
- 13,284
Ейныя карані з Нясвіжа.
Сёння амерыканскай акторцы і спявачцы, лаўрэатцы прэмій BAFTA, "Тоні" і іншых спаўняецца 40 гадоў, піша smartpress.by.
Залічваць беларускай Скарлет Ёхансан можна адносна, але ж карані ёсць. Пра іх акторка аб'явіла ў 2012-м, на прэм'еры фільма «Мсціўцы». Яна з гонарам заявіла, што ейныя продкі - з Менска. Праўда, гісторыкі, якія адразу ўзяліся за справу, неўзабаве паправілі акторку. Як высветлілася, прадзед зоркі, шавец Іцхак Ходаш жыў у Нясвіжы, адкуль разам з жонкай Ханнай і перабраўся ў ЗША. Ужо ў Амерыцы ў пары нарадзілася дачка Дораці - бабуля Скарлет Ёхансан, з якой будучая зорка Галівуда ў дзяцінстве вельмі любіла гуляць у карты. А вось сваякі прадзеда, якія засталіся ў Нясвіжы, як заявіла сама Ёхансан, падчас Другой сусветнай загінулі ў Варшаўскім гета.
Дасягненні Скарлет Ёхансан на галівудскай ніве можна пералічваць доўга: намінантка 2 "Оскараў" і 5 "Залатых глобусаў", самая касавая кіназорка ў гісторыі (зборы фільмаў, у якіх яна ўдзельнічала, агулам склалі $14,3 млрд), самая высокааплатная актрыса 2018 і 2019 гадах… Ну і роля знакамітай «Чорнай удавы» у кінаўселенай Marvel: за 7 фільмаў кінафраншызы Скарлет зарабіла $95 млн.
Зусім нядаўна высветлілася, што Скарлет Ёхансан - даволі блізкая сваячка ... Майкла Дугласа. Аб гэтым Дугласу паведамілі экспэрты ў ДНК тэлеперадачы "У пошуках каранёў". Улічваючы, што ў ЗША ніякіх роднасных скрыжаванняў у іх няма, агульныя продкі, здаецца, жылі ў Беларусі. Хоць ад Нясвіжа да Чавусаў (радзімы дзеда Майкла Дугласа) - добрых 350 км.
На рахунку Ёхансан амаль 60 фільмаў (у тым ліку мультыплікацыйных), дзе яна грала галоўныя і другарадныя ролі, а таксама агучвала персанажаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
