У ААЭ знайшлі цела рабіна, які знік некалькі дзён таму
- 24.11.2024, 17:08
- 3,378
У Ізраілі падазраюць дачыненне Ірана.
У Аб'яднаных Арабскіх Эміратах знайшлі цела рабіна Цві Когана, які знік без вестак з 21 лістапада. Пра гэта гаворыцца ў супольнай заяве Офіса прэм'ер-міністра Ізраіля Біньяміна Нетаньяху і міністэрства замежных спраў у нядзелю, 24 лістапада.
У заяве забойства Когана назвалі "агідным актам антысеміцкага тэрарызму". Там таксама адзначылі, што Ізраіль выкарыстоўвае ўсе сродкі і пакарае адказных за смерць рабіна "паводле ўсёй строгасці закона".
28-гадовы Цві Коган меў ізраільска-малдаўскае грамадзянства. Некалькі гадоў працаваў рабінам у ААЭ, дзе быў прадстаўніком артадаксальнай габрэйскай арганізацыі Хабад. Ён працаваў з іншымі эмісарамі Хабада над стварэннем і пашырэннем габрэйскага жыцця ў Эміратах, сказана ў заяве арганізацыі.
The Telegraph са спасылкай на ізраільскіх экспэртаў у пытаннях бяспекі пісаў, што падазрэнне ва ўчыненні злачынства ўпала на Іран.
«Гэты выпадак выклікаў хвалю пытанняў і спекуляцый наконт таго, што адбылося, прычым Іран адразу ж западозрылі ў тым, што ён стаіць за гэтым інцыдэнтам… Схема дзеянняў, якую прыпісваюць іранцам, добра вядомая: вярбоўка мясцовых ці замежных злачынцаў для ўчынення актаў сабатажу, выкрадання ці забойства», — адзначыў экс-кіраўнік контрвыведкі ізраільскага Масада Адэд Айлам.
Са слоў ізраільскага аналітыка ў пытаннях бяспекі Ронена Саламона, Коган быў "уразлівай мішэнню". З ім было лёгка звязацца пад выглядам габрэйскага турыста, бо той кіраваў кашэрным супермаркетам у Дубаі.
Як паведамляе Reuters, спасылаючыся на судовыя дакументы і публічныя заявы чыноўнікаў, з 2020 года на Захадзе адбылося сама меней 33 спробы забойстваў або выкраданняў, у якіх мясцовыя ці ізраільскія ўлады сцвярджаюць аб сувязі з Іранам. Сярод нядаўніх мэт быў цэнтр Хабад у Афінах.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
