У банкіра, блізкага да беларускага рэжыму, у Маскве забралі нерухомасць

Сам ён знаходзіцца ў турме.

Амаль тры дзясяткі маскоўскіх гандлёвых аб'ектаў і бізнэс-цэнтраў, звязаных з былым уладальнікам банка "Югра" Аляксеем Хоціным, былі канфіскаваныя судом на карысць дзяржавы. Як піша “Коммерсант”, агульная плошча канфіскаванай нерухомасці перавышае 1,5 млн кв. м.

Экспэрты рынку нерухомасці адзначаюць, што многія з гэтых аб'ектаў даволі старыя і патрабуюць рэнавацыі. Але амаль усе яны размешчаны ў месцах з добрай праходнасцю і транспартнай даступнасцю.

“Асноўная каштоўнасць гэтых аб'ектаў - гэта іх размяшчэнне. Нягледзячы на тое, што многія з іх ужо старыя, тым не менш у іх ёсць пул арандатараў, яны працуюць, і гэтыя месцы, скажам так, намоленыя, туды ходзяць людзі”, - пракаментаваў сітуацыю віцэ-прэзідэнт Маскоўскага Саюза гандлёвых цэнтраў Павел Люлін.

Спецыялісты гавораць, што сярод канфіскаваных аб'ектаў ёсць шмат цікавых. А самым “смачным кавалачкам” з іх называюць знакаміты “Гарбушкін двор” плошчай 60 тыс. кв. м у прэстыжным раёне на захадзе Масквы.

Магчыма, некаторыя з менш удачлівых праектаў зачыняць ці знясуць. А на іх месцы пабудуюць нешта новае. Дарэчы, нядаўна ў Маскве былі нацыяналізаваны такія важныя аб'екты з партфеля Аляксея Хоціна, як гатэль Four Seasons, размешчаны насупраць Крамля.

У СМІ Аляксея Хоціна, які з'яўляецца выхадцам з Беларусі, нярэдка называюць партманэтам Лукашэнкі.

Яшчэ ў верасні 2017 года падрабязна пісалася пра Хоціных і іх сувязі з “сям'ёй” Лукашэнкі: “Хоціны - выхадцы з Беларусі, займацца бізнэсам сталі пасля прыходу да ўлады Аляксандра Лукашэнкі - у 1994г.

Першым іх прадпрыемствам стала кампанія вытворчасці беларускай касметыкі і парфумерыі "Белкасмекс". Ужо ў 1997г. бацька і сын пераязджаюць у Маскву, дзе арандуюць памяшканні ў мясакамбіната “Мікамс”, а затым выкупляюць іх за бясцань. Да 2004г. Хоціны ўжо валодаюць блізу 1 млн кв. м у Маскве. З некаторых звестках, гэты сямейны бізнэс актыўна падтрымліваўся беларускімі чыноўнікамі і сілавікамі, якія, як і прадпрымальнікі, перабраліся ў Расею. Іншыя крыніцы сцвярджаюць, што апекуном Хоціных з'яўляецца сам Лукашэнка”, - пісала “БелГазета”.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com