Спецпасланнікам Трампа датычна Украіны можа стаць генерал, які ваяваў у В'етнаме і Іраку.

Абраны прэзідэнт ЗША разглядае кандыдатуру генерал-лейтэнанта ў адстаўцы Кіта Келага.

Абраны прэзідэнт ЗША Дональд Трамп разглядае кандыдатуру генерал-лейтэнанта ў адстаўцы Кіта Келага на пасаду спецыяльнага пасланніка датычна Украіны для правядзення перамоваў пасля заканчэння вайны, паведамілі Reuters тры дасведчаныя крыніцы.

Раней Келаг працаваў у адміністрацыі Трампа падчас ягонага першага тэрміну. Ён узначальваў апарат Рады нацыянальнай бяспекі і быў дарадцам у нацыянальнай бяспецы тагачаснага віцэ-прэзідэнта Майка Пенса.

Прэс-сакратарка абранага прэзідэнта Кэралайн Левіт адмовілася каментаваць кандыдатуру Келага, адзначыўшы, што кадравыя пастановы будуць абвешчаныя пасля іх прыняцця.

80-гадовы Келаг удзельнічаў у вайне ў В'етнаме ў якасці афіцэра спецназу. Ён таксама займаў пасаду кіраўніка штабу 82-й паветрана-дэсантнай дывізіі ў ходзе аперацыі «Бура ў пустыні» з 1990 да 1991 год. Генерал звольніўся з войска ў 2003 годзе.

Акрамя Келага, Трамп разглядае кандыдатуру былога кіраўніка Нацвыведкі Рычарда Грэнэла. Падчас першага прэзідэнцкага тэрміну Трампа Грэнэл працаваў амбасадарам ЗША ў Нямеччыне, а з лютага да траўня 2020 года выконваў абавязкі дырэктара Нацыянальнай выведкі. Акрамя таго, ён быў спецпрадстаўніком прэзідэнта на перамовах паміж Сербіяй і Косавам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com