МКС мае намер арыштаваць кіраўніка М'янмы

Міна Ауна Хлайна абвінавачваюць у злачынствах супраць чалавечнасці.

Офіс галоўнага пракурора Міжнароднага крымінальнага суда (МКС) Карыма Хана заявіў у сераду, 27 лістапада, што будзе дамагацца выдачы ордара на арышт кіраўніка ўзброеных сілаў М'янмы, які адначасова з'яўляецца часовым прэзідэнтам краіны, Міна Ауна Хлайна. Яго абвінавачваюць у злачынствах супраць чалавечнасці праз дэпартацыю і пераслед народа Рохінджа ў М'янме і Бангладэш.

У заяве гаворыцца, што офіс пракурора правёў «шырокія і незалежныя расследаванні» і прыйшоў да высновы, што ёсць «разумныя падставы меркаваць», што Мін Аун Хлайн нясе крымінальную адказнасць за дэпартацыю і пераслед рохінджа ў М'янме і Бангладэш.

Разгледзець пытанне павінна калегія з трох суддзяў, якім трэба будзе вызначыць, ці згодныя яны з абгрунтаванасцю абвінавачанняў. Звычайна на вынясенне пастановы патрабуецца блізу трох месяцаў, зазначае агенцтва Reuters.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com