«У Расеі разглядаюць кіпрскі сцэнар канфіскацыі ўкладаў»

Варыянтаў у расейцаў засталося не так шмат.

Курс расейскага рубля імкліва падае, нягледзячы на ўсе старанні Цэнтрабанка Расеі. Ці пачаліся ў РФ сур'ёзныя эканамічныя праблемы? Ці ж гэта часовыя цяжкасці? Пра гэта і не толькі сайт Charter97.org пагаварыў з украінскім палітычным дзеячам, экс-дэпутатам Вярхоўнай Рады Барыславам Бэрэзам:

- Гэта не пачатак сур'ёзных эканамічных праблем, гэта іх працяг. Тушыць сітуацыю ў Расеі становіцца ўсё складаней. Мы ўжо бачылі скокі, якія былі раней — нагрузка на бюджэт, укладанні ў ВПК. Эканоміка Расеі не спраўляецца, падаюць кошты энэрганосьбітаў, бюджэт атрымлівае менш грошай.

Усё гэта прыводзіць акурат да такой сітуацыі. Проста санкцыі і працэсы, якія ідуць ужо некалькі гадоў, пачынаюць даваць больш, з часам эфект будзе яшчэ больш моцны. Кіраўніца Цэнтрабанка Набівуліна на адной са сваіх прэс-канферэнцый нядаўна заявіла аб тым, што ў другой палове 2025-га года эканоміку Расеі чакае вялікі крызіс.

Я вельмі разлічваю, што яна памыляецца, і гэта адбудзецца не ў другой палове, а ўжо ў першай, бо ўжо цяпер мы бачым, што намаганні, якія прыкладваюць Набівуліна і іншыя эканамісты, не даюць пазітыўнага выніку для Расеі, і нас гэта не можа не радаваць.

Больш за тое, мы назіраем ужо, што Цэнтрабанк РФ вымушаны прыпыніць таргі з далярамі. Ён такое ўжо рабіў раней, каб замарозіць сітуацыю, стабілізаваць курс рубля. Пакуль гэта не вельмі моцна дапамагае, акрамя таго, шалёны рост інфляцыя і змяненне стаўкі паказваюць толькі адно: Расея перастала кантраляваць сітуацыю, а ў гэты момант спрабуе проста мінімізаваць свае страты і праблемы.

- Ці паўплываюць гэтыя эканамічныя праблемы неяк на расейцаў? Ці нічога ад іх не варта чакаць?

- Ад расейцаў не варта нічога чакаць, вы ж не чакаеце, што кісель раптам нечакана ператворыцца ў боршч. Гэта немагчыма, кісель можа проста закіснуць, сапсавацца. Ну куды далей псавацца расейцам? Зараз мы назіраем цікавыя працэсы.

У той жа самай Расеі разглядаюць як адзін з патэнцыйных сцэнарыяў Кіпрскі варыянт. Гэта калі усталёўваецца пэўны ліміт на рахунку, а ўсё астатняе канфіскуецца. Напрыклад, на кожным рахунку, на якім ёсць больш за мільён рублёў, адзін мільён застаецца расейцу, а ўсё астатняе “стабілізуецца для фінансавай падтрымкі эканамічнай сістэмы дзяржавы і стабільнасці банкаў”.

Такое было зроблена на Кіпры, і тады, дарэчы, больш за ўсё пацярпелі грамадзяне Расеі, якія ўкладвалі грошы ў эканоміку Кіпра. Цяпер прыйшоў іх час сутыкнуцца з кіпрскім сцэнаром ужо ў Расеі. Таму, можа быць, гэта выкліча пэўны негатыў і запусціць нейкія ўнутраныя сцэнары, але глабальна нічога не будзе мяняцца.

Акрамя таго, трэба разумець, расейцы будуць жыць горш, а ўлада не будзе адчуваць практычна ніякага ціску на сябе. Хоць, трэба не забываць і пра «чорных лебедзяў», якія могуць заляцець у Расею. І тады мы можам убачыць расейскі бунт - абсалютна шалёны, бязлітасны і непрагназаваны. Хацелася б, вядома, каб гэта адбылося як мага хутчэй, але пакуль няма ніякіх маркераў, якія б казалі пра гэта.

Яшчэ адзін са сцэнароў, які таксама можа быць, гэта пагаршэнне ўзроўню жыцця расейцаў. Я аналізаваў апошні час, што адбываецца з іпатэкай у Расеі, што адбываецца з таваразамяшчэннем, і магу сказаць, што замяніць заходнія тавары не ўдаецца ў поўнай меры. Асаблівая праблема - гэта замяшчэнне прамысловых кірункаў, а менавіта станкі, запчасткі, запчасткі для самалётаў, заходнія аўтамабілі. Мы ж бачым, што ў Расеі замяшчэнне адбываецца менавіта кітайскімі аўтамабілямі на масавым узроўні.

А ўлічваючы, што даляр даражэе, еўра даражэе, а рубель абясцэньваецца, то ўсе гэтыя рэчы становяцца яшчэ даражэйшымі і недаступныя для расейцаў.

Таму ўсё кажа толькі аб адным - вайна пагаршае жыццё расейцаў, але на бунт сёння разлічваць не варта. Варта разлічваць на іншае: атачэнне Пуціна, якое таксама страчвае грошы, задумаецца пра тое, што ці патрэбны ім гэты карлікавы дыктатар, які прыводзіць да страт і праблем унутры дзяржавы, алігархату, які ён сам жа і паставіў.

А яшчэ цікавы момант - найбліжэйшым часам Пуцін будзе альбо вельмі моцна заціскаць, бо гэта адзіны варыянт стрымаць незадаволенасць вакол сябе. Тады мы ўбачым рэпрэсіі, нешта накшталт 1937-38 года ў Расеі, калі Сталін праводзіў рэпрэсіі менавіта для таго, каб запалохаць асяроддзе, усіх трымаць у цуглях.

Альбо ж мы ўбачым чарговы віток эскалацыі, а вакол яе будзе пабудаваная спроба не страхам, а аб'яднаннем вакол сябе сабраць людзей. «Маўляў, паглядзіце, Расея ў небяспецы, Захад нясе нам пагрозу, альбо мы выжывем, альбо мы загінем». Увогуле, нешта з такім пафасам будзе прапаноўвацца расейцам. Варыянтаў у іх няшмат. У кожным выпадку, жыць яны будуць горш, хоць і нядоўга.

- Ці могуць сур'ёзныя эканамічныя цяжкасці прымусіць Пуціна спыніць вайну ў будучыні?

- Глядзіце, Пуцін сам зацікаўлены цяпер узяць паўзу, не спыніць вайну, не скончыць, а ўзяць паўзу менавіта для таго, каб пераадолець эканамічныя праблемы. Вядома ж, эканоміка з'яўляецца галоўнай рухальнай сілай. Але я падазраю, што хутчэй расейцы будуць дохнуць з голаду, чым Пуцін пагодзіцца проста праз гэта прыпыніць вайну.

А вось тое, што гэта можа быць адной з прычын зніжэння тэмпаў наступу, а таксама адной з прычын, якія могуць падштурхнуць Пуціна да згоды на перамовы, — так, такі сцэнар досыць імаверны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com