У Малдове праходзіць другі тур выбараў прэзідэнта

Вызначаецца еўрапейская будучыня краіны.

Сёння ў Малдове праходзіць другі тур прэзідэнцкіх выбараў. Кандыдатамі выступаюць дзейная прэзідэнтка Мая Санду і былы генеральны пракурор Малдовы Аляксандр Стаяногла.

Пра гэта паведамляе "Еўрапейская праўда".

У асноўныя спісы выбарцаў унесены 2 707 641 выбаршчык. У краіне адкрытыя 1 988 выбарчых участкаў. За мяжой грамадзянаў чакаюць сёння на 228 выбарчых участках. За ходам выбараў будуць сачыць больш за 2 400 назіральнікаў, акрэдытаваных ЦВК Малдовы.

У першым туры Санду набрала больш за 42% галасоў, Стаяногла - амаль 26%.

Стаяногла балансуе паміж Усходам і Захадам, яго рыторыка кантрастуе з палітыкай Санду, пры праўленні якой Малдова разарвала сувязі з Крамлём і падтрымала Украіну на фоне поўнамаштабнага ўварвання Расеі.

Санду заяўляе, што Стаяногла - чалавек Крамля, а яго перамога пагражае нявызначанасцю і нестабільнасцю. Стаяногла кажа, што гэта няпраўда, і абвінавачвае Санду ў палітыцы расколу краіны, дзе значная колькасць насельніцтва з'яўляецца расейскамоўнай.

Вынікі галасавання зададуць тон парламенцкім выбарам налета, на якіх партыя Санду будзе змагацца за захаванне большасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com