«Гэта шакуе»: паўночнакарэйскія салдаты пачалі дэзерціраваць

Стала вядома, каго Кім Чэн Ын адправіў на смерць ва Украіну.

Уладзімір Пуцін атрымаў больш за 10 тысяч вайскоўцаў, сярод якіх ёсць і афіцэры і генералы. Падрабязней, хто будзе ваяваць на баку Расеі супраць Украіны, у эксклюзіўным інтэрв'ю для «24 канала» распавёў палкоўнік войска Вялікай Брытаніі ў адстаўцы Гэміш дэ Брэтан-Гордан.

Каго Кім Чэн Ын адправіў у Расею

Генеральны сакратар NATO Марк Рутэ пацвердзіў, што войскі Паўночнай Карэі размяшчаюцца ў Курскай вобласці Расеі. У заходніх СМІ паведамілі, што гэтыя сілы ўваходзяць у склад «элітнага падраздзялення» паўночнакарэйскага войска.

У той жа час з'явілася выведвальная інфармацыя аб тым, што сілы, размешчаныя на перадавой Курскай вобласці, - гэта хлопцы ва ўзросце прыкладна 20 гадоў. Яны не з'яўляюцца навучанымі і падрыхтаванымі да такой вялікай вайны.

«Гэта сапраўды могуць быць «элітныя сілы» Паўночнай Карэі. Мы ведаем, што іх войска дрэнна навучанае і дрэнна абсталяванае. Галоўнае, што турбуе Кім Чэн Ына, - гэта Паўднёвая Карэя, таму, думаю, што яго галоўныя сілы размешчаныя на мяжы з Паўднёвай Карэяй. І ўсё ж Кім Чэн Ыну патрэбныя ядзерныя тэхналогіі», – падкрэсліў Хэміш дэ Брэтан-Гордан.

Таму паміж Расеяй і КНДР узнікла даволі ўзаемавыгаднае супрацоўніцтва. Кім Чэн Ын, імкнучыся знішчыць Паўднёвую Карэю, можа натрэніраваць сваіх вайскоўцаў і атрымаць важныя тэхналогіі. А Уладзімір Пуцін, у якога сканчаюцца людзі і ёсць страх перад абвяшчэннем мабілізацыі, атрымлівае патрэбную жывую сілу.

«Гэта гучыць жудасна, але гэтыя маладыя паўночнакарэйскія мужчыны з'яўляюцца проста «гарматным мясам». Гэта шакуе, што гэтых ледзь навучаных хлопцаў з іншага кутка планеты адправілі на смерць. Ёсць паведамленні, што яны ўжо спрабуюць дэзерціраваць ці знайсці бяспечнае месца ва Украіне, бо іх кінулі на верную смерць», - патлумачыў брытанскі палкоўнік.

Ці будуць улічваць у КНДР страты

Аднак у Расею з Паўночнай Карэі прыехалі не толькі звычайныя салдаты, а таксама генералы і афіцэры. Нагадаем, што на пачатку кастрычніка пад Данецкам пабывалі афіцэры КНДР, якіх знішчылі ўкраінскія вайскоўцы.

«Я ўпэўнены, што з'яўляецца часткай пагаднення Пуціна і Кім Чэн Ына. Без сумневу, паўночнакарэйскія генералы жадаюць мець права голасу ў тым, што робяць іх салдаты, таму іх запрашаюць у вышэйшае камандаванне. Але я сумняваюся, што расейцы сапраўды будуць прыслухоўвацца да іх», – адзначыў Гэміш дэ Брэтан-Гордан.

Паўночнакарэйскія генералы і афіцэры таксама з'яўляюцца законнай цэллю для ўкраінскіх вайскоўцаў. Аднак нават іх знішчэнне наўрад ці будзе хваляваць Кім Чэн Ына і тым больш Уладзіміра Пуціна.

«Кожнаму з іх увогуле пляваць на ахвяры, іх не хвалюе спадарожная шкода. Пуцін мала хвалюецца аб стратах са свайго боку і з пагрозлівай хуткасцю пазбаўляецца ад сваіх генералаў. Ды і не думаю, што Кім Чэн Ын хоць на ёту турбуецца пра сваіх салдат і будзе перажываць аб тым, што іх заб'юць», - дадаў палкоўнік у адстаўцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com