Брытанскае «мегаапытанне» прагназуе перамогу Гарыс у ЗША

Сацыялагічная кампанія апытала больш за 31 тысячу выбарцаў.

Брытанская сацыялагічная кампанія Focaldata выкарыстоўвала сваю тэхналогію апытання з вялізнай выбаркай і папярэдне спрагназавала перамогу Камалы Гарыс на выбарах у ЗША.

Пра гэта паведамляе Politico.

Focaldata апытала больш за 31 тысяч выбарцаў па ўсёй тэрыторыі Злучаных Штатаў на працягу апошняга месяца ў рамках інавацыйнага тыпу апытання пад назвай MRP, якое апошнія гады набыло значны ўплыў у Вялікабрытаніі. Вынікі былі перададзеныя эксклюзіўна Politico.

Спалучаючы вынікі MRP-апытання з вынікамі свайго маштабнага онлайн-апытання ў «вагальных» штатах, Focaldata ацэньвае, што Гарыс, магчыма, пераможа ў Мічыгане з перавагай амаль на 5 пунктаў, у Невадзе – з перавагай у блізу двух пунктаў, і з невялікай перавагай у Пенсільваніі і Вісконсіне.

Focaldata мяркуе, што Трамп выперадзіць Гарыс у Джорджыі і Паўночнай Караліне. Звесткі онлайн-апытанняў і MRP-мадэлявання разыходзяцца ў дачыненні да Арызоны.

Перавага Гарыс часткова тлумачыцца яе прывабнасцю сярод белых жанчын старэйшага ўзросту. Трамп атрымаў перамогу сярод маладых чарнаскурых і гішпанамоўных мужчын.

"Наша мадэль MRP паказвала перамогу Трампа на працягу ўсёй кампаніі, і толькі ў апошнім абнаўленні яна змянілася на карысць дэмакраткі", – сказаў Джэймс Канагасурыям, галоўная навуковая супрацоўнік Focaldata.

MRP - статыстычная мадэль, якая бярэ масіўную агульнанацыянальную выбарку, а затым выкарыстоўвае дэмаграфічныя звесткі, каб ацаніць вынікі выбараў на ўзроўні штатаў.

Метад, які называюць "мегаапытаннем", уварваўся на палітычную сцэну ў Вялікабрытаніі ў 2017 годзе, правільна прадказаўшы, што прэм'ер Тэрэза Мэй страціць большасць у парламенце ў той час, калі большасць апытанняў сведчылі, што яна атрымае вялікую перамогу.

Focaldata працуе над амерыканскімі апытаннямі ўжо некалькі месяцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com