Грозеў: Агенты ГРУ Мішкін і Чапіга займаюцца арганізацыяй дыверсій у Еўропе
4- 30.11.2024, 12:00
- 8,124
Для гэтага «Пятроў» і «Башыраў» вярбуюць выканаўцаў.
Агенты ГРУ, якія атруцілі Скрыпаляў у Солсберы, займаюцца вярбоўкай людзей для арганізацыі дыверсій у Еўропе. Пра гэта ў эфіры «Дажджу» расказаў журналіст Der Spiegel і The Insider Хрысто Грозеў.
«Чапіга цяпер жыве на Мічурынскім праспекце ў Маскве, ён займаецца навучаннем іншых шпіёнаў – як прафесійных спецназаўцаў, так і непрафесійных, крымінальнікаў. А пра Мішкіна мы ведаем, што ў пачатку вайны ён знаходзіўся за лініяй фронту, ён быў часта з групай, якая здзяйсняла дыверсіі на ўкраінскай тэрыторыі, але, паводле апошніх звестак, цяпер ён таксама займаецца навучаннем і вярбоўкай», – расказаў журналіст.
Паводле ягоных словаў, вярбоўкай людзей для арганізацыі дыверсій у Еўропе займаецца цэнтр ГРУ, у склад якога ўваходзіць у тым ліку аддзел 29155, які арганізаваў атручэнне Сяргея Скрыпаля і ягонай дачкі, а таксама выбухі на складах у Чэхіі.
Ён дадаў, што камандзір часткі 29155 у ГРУ Андрэй Авяр'янаў, які курыраваў атручванне Скрыпаляў, «дамогся таго, што стаў самым важным чалавекам у ГРУ». Цяпер ён першы намеснік кіраўніка ГРУ і курыруе адразу чатыры аддзелы. Паводле словаў журналіста, Авяр'янаў таксама займаўся вярбоўкай талібаў у Афганістане з мэтай забойстваў амерыканскіх салдатаў.
Анатоль Чапіга (Башыраў) і Аляксандр Мішкін (Пятроў) — супрацоўнікі ГРУ Расеі, якіх улады Вялікай Брытаніі абвінавацілі ў атручэнні былога супрацоўніка ГРУ Сяргея Скрыпаля і ягонай дачкі Юліі ў ангельскім Солсберы ў 2018 годзе. Паводле версіі ўладаў Чэхіі, Мішкін і Чапіга таксама маюць дачыненне да выбухаў на складзе зброі ў чэшскай вёсцы Врбеціцы ў 2014 годзе.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
