Паліна Шарэнда-Панасюк абскардзіць апошні прысуд

Разгляд апеляцыі прызначаны на 13 снежня.

Паўтара месяца таму палітзняволенай, актывістцы грамадзянскай кампаніі «Еўрапейская Беларусь» Паліне Шарэндзе-Панасюк дадалі год калоніі. Гэта быў ужо трэці незаконны прысуд паводле арт.411 за нібыта «злоснае непадпарадкаванне адміністрацыі калоніі».

Паводле інфармацыі берасцейскай “Вясны”, 13 снежня ў Гомельскім абласным судзе прызначаны разгляд апеляцыйнай скаргі на гэты апошні прысуд Паліне Шарэндзе-Панасюк.

Але адначасова, паводле інфармацыі крыніцаў “Вясны”, вынесены Паліне прысуд абскарджвае і Гомельская абласная пракуратура.

Нагадаем, што Паліна Шарэнда-Панасюк была затрыманая 3 студзеня 2021 года і з таго часу знаходзіцца за кратамі. За час зняволення стан здароўя палітзняволенай значна пагоршыўся, з'явіўся хранічны панкрэатыт. У турме гэтае захворванне можа стаць для маці дваіх дзяцей смяротным.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com