Прэм'ер-міністр Польшчы паказаў пабудаваны ўчастак «Усходняга шчыта» на мяжы з РФ
9- 30.11.2024, 16:33
- 8,898
«Я адчуў сябе ў сапраўднай бяспецы», заявіў Дональд Туск.
Польскі прэм'ер-міністр Дональд Туск наведаў участак мяжы з РФ, дзе ўладкавалі адзін з участкаў фартыфікацыйных умацаванняў "усходні шчыт".
Як адзначыў польскі прэм'ер у сацсетцы Х, першы ўчастак "Усходняга шчыта" на мяжы з Расеяй ужо цалкам гатовы.
Pierwszy odcinek Tarczy Wschód na granicy z Rosją gotowy! W trakcie mojego spotkania z żołnierzami 200 metrów od granicy czułem się naprawdę bezpieczny. pic.twitter.com/HXW87WZBhX
— Donald Tusk (@donaldtusk) November 30, 2024
"Падчас сустрэчы з жаўнерамі за 200 метраў ад мяжы я адчуў сябе ў сапраўднай бяспецы", - напісаў ён.
Падчас візіту Туск таксама заявіў, што захады для ўладкавання ўсходняй мяжы Польшчы "з'яўляюцца інвестыцыяй у мір".
Ён адзначыў, што "чым лепш будзе ахоўвацца польская мяжа, тым цяжэй будзе дабрацца да яе тым, хто мае дрэнныя намеры".
Адзначым, што праект "усходні шчыт", які прадугледжвае будаўніцтва ўмацаванняў на мяжы Польшчы з Беларуссю і Расеяй, анансавалі ў траўні.
У Міністэрстве абароны Польшчы казалі, што ў рамках праграмы "усходні шчыт" міністэрства плануе закупіць цяжкую інжынерную тэхніку на суму да 600 млн злотых.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
