Лукашэнка падвышае градус абсурду

Астапа панесла.

"Мы жывём у раі ў параўнанні з тым, як жыве свет", - заявіў Аляксандр Лукашэнка ў Мастах. Астапа панесла, піша «Салiдарнасць».

Уласна сам дыктатар і прадэманстраваў, чаго вартыя яго сцвярджэнні, давёўшы градус абсурду да максімальнага:

“Мясцовыя жыхары паэтычна называюць Масты маленькім Парыжам. Памыляецеся. Паверце, Масты сёння прывабнейшыя за сам Парыж”.

Вось толькі чамусьці прыкладна 50 мільёнаў турыстаў за год едуць у Парыж, а не ў Масты.

Пры ўсіх плюсах Мастоў параўноўваць беларускі райцэнтр са сталіцай Францыі можа толькі чалавек, які страціў сувязь з рэальнасцю. Засталося толькі, перафразуючы героя "12 крэслаў", перайменаваць указам Масты ў Нью-Парыж, а Парыж - у Старыя Масты.

Савецкія “байцы ідэалагічнага фронту” апавядалі, што “невясёлыя твары простых парыжан”. Але, калі б хтосьці з іх пачаў казаць, што Масты лепшыя за Парыж, такога прапагандыста неадкладна выгналі б за прафнепрыдатнасць.

Лукашэнка парушае адзін з галоўных законаў прапаганды: хлусіць ды не азірацца. Зусім неадэкватныя выказванні дэвальвуюць усё астатняе.

Хоць часам правадыра наведваюць вельмі разумныя думкі. "Народы не павінны пакутаваць з-за глупства сваіх кіраўнікоў", - заявіў Лукашэнка ў тых жа Мастах.

З гэтым цяжка спрачацца. Але, на жаль, беларускаму народу даводзіцца пакутаваць.

На шчасце, колькі вяровачцы ні віцца, канец усё роўна будзе. СССР распаўся шмат у чым менавіта пад цяжарам абсурду, які нагарадзілі яго кіраўнікі. Рэжым Лукашэнкі ідзе тым самым “правільным шляхам”.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com