«З панядзелка кіроўцаў таксі стане яшчэ менш»

Што адбываецца на рынку таксі ў Беларусі.

З 1 лістапада ў Беларусі пачаў дзейнічаць рэестр аўтамабільных перавозак пасажыраў у нерэгулярных злучэнняў. Гэта значыць, што кіроўцы таксі цяпер не могуць працаваць без рэгістрацыі ў гэтым рэестры. У Мінтрансе мяркуюць, што рэестр дапаможа "абмежаваць прысутнасць на рынку перавозак пасажыраў несумленных вознікаў і дыспетчараў".

У пятніцу, 1 лістапада, цэны і час чакання таксі выраслі. Некаторым менчукам давялося чакаць аўтамабіль больш за 15 хвілін. Падраслі і цэны.

Тады кіроўца сталічнага таксі Аляксей пацвердзіў Smartpress, што аўтамабіляў сапраўды стала менш, час чакання вырас.

«Што да росту цаны, пакуль нічога экстраардынарнага з ёй не адбываецца. Так, яна вышэйшая, але не так каб занадта. Я думаю, што той самы Яндэкс рэгулюе гэтыя каэфіцыенты. А вось з нястачай аўтамабіляў ён наўрад зможа ўправіцца», – сказаў ён.

Што будзе з панядзелка?

Адзін з кіроўцаў менскага сэрвісу падзяліўся сваім меркаваннем аб тым, што чакае жыхароў сталіцы з панядзелка. З ягоных слоў, з 4 лістапада аўтамабіляў стане яшчэ менш.

“З панядзелка кіроўцаў таксі выйдзе яшчэ менш. З панядзелка тым, хто не ў рэестры, адлучаць доступ да сэрвісу «Яндэкс-таксі». Сёння яшчэ частка нелегалаў працуе. Штраф — да 200 базавых адзінак за працу таксіста-нелегала», — падзяліўся таксіст.

Што да часу чакання, то, на думку кіроўцы, час чакання будзе расці. Ён ужо вырас прыкладна ў 2-2,5 раза, расказаў таксіст, і з панядзелка яшчэ павялічыцца.

Наконт росту цэн кіроўца адзначыў, што прадказаць гэтага пакуль не можа, "не ведае". Аднак таксіст адзначыў, што "аўтамабіляў стала менш прыкладна на траціну". А значыць, цалкам імаверна, што заплаціць за паездку давядзецца больш, чым яна каштавала раней.

«Тарыфы выраслі ў 2 разы, бо аўтапаркам давялося наймаць кіроўцаў афіцыйна, паводле ўмовы. Давядзецца плаціць падаткі», — падзяліўся інфармацыяй таксіст.

Таксама кіроўца адзначыў, што асабіста ён задаволены такой навацыяй, бо заробак застаўся на ранейшым узроўні, а працы стала "ў два разы менш", чым раней.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com