У Гародні 21-гадовага курсанта Акадэміі МУС прысудзілі да 15 гадоў калоніі
30- 4.11.2024, 14:13
- 19,060
За "здраду дзяржаве".
У Гародні за “здраду дзяржаве” судзілі 21-гадовага курсанта Акадэміі МУС Іллю Нарышкіна. Пра гэта паведаміў праваабарончы цэнтр "Вясна".
Прысуд хлопцу абвясцілі яшчэ 14 жніўня, але вядома пра яго стала толькі зараз. Іллю Нарышкіну ставілася ў віну ч. 1 арт. 361-1 (Удзел на тэрыторыі замежнай дзяржавы ва ўзброеным фармаванні або ўзброеным канфлікце, ваенных дзеяннях, вярбоўка або падрыхтоўка асоб да такога ўдзелу) і ч. 2 арт. 356 КК (Здрада дзяржаве).
Крымінальная справа разглядалася ў закрытым рэжыме. Суддзя Іллю Нарышкіна прызнаў вінаватым і прызначыў яму 15 гадоў пазбаўлення волі. Яго таксама абавязалі выплаціць 600 базавых адзінак (24 тысячы рублёў) штрафу.
Ілля нарадзіўся ў Слоніме, частку дзяцінства правёў у Гародні. Ягоны бацька - украінец, родам з Крывога Рога. Яшчэ ў савецкі час ён скончыў авіяцыйную вучэльню і працаваў інжынерам-механікам у розных кутках СССР. З мамай абвінавачанага яны даўно не жывуць разам.
Пасля школы Ілля Нарышкін паступіў у Акадэмію МУС. Ён вучыўся на трэцім курсе крымінальна-выканаўчага факультэта.
“Вядома, што падчас вучобы ён жыў актыўным жыццём: выступаў у конкурсах і ўдзельнічаў у інтэлектуальнай гульні „Вежа“. Апошнія публічныя звесткі аб ім датуюцца сакавіком 2023 года. Магчыма, 21-гадовы Ілля Нарышкін хацеў далучыцца да беларускіх добраахвотнікаў ва Украіне. Паводле артыкулаў, якія яму выстаўленыя, апошнім часам часцей за ўсё судзілі людзей, якія мелі намер паехаць ваяваць на баку Украіны. Некаторыя з іх перапісваліся са створанымі спецслужбамі фэйкавымі ботамі палка Каліноўскага”, - паведамілі ў “Вясне”.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
