У небе над Беларуссю заўважылі «зіхоткую гірлянду»

Што гэта было?

Увечары 4 лістапада менчукі і жыхары Менскай вобласці заўважылі «гірлянду» аб'ектаў, якія ляцяць. Не хвалюйцеся, гэта не НЛА, а чарговыя спадарожнікі Starlink.

Вось такое відэа было знятае над Фаніпалем.

«Гірляндай» спадарожнікі выглядаюць толькі цягам першых некалькіх дзён пасля запуску чарговай групы, у гэты час яны рухаюцца на аднолькавай вышыні і з аднолькавай хуткасцю, а потым гэты ланцужок рассейваецца, бо кожны спадарожнік паднімаецца на сваю працоўную арбіту.

Бачылі «зіхоткі ланцужок» увечары 4 лістапада і ў Менску, паведамляе «Люстэрка».

Групу з першых 60 спадарожнікаў кампанія Ілана Маска SpaceX запусціла ў 2019 годзе.

Наступны запуск адбудзецца 6 лістапада 2024 года, у 00.05 паводле менскага часу – SpaceX скіруе на арбіту 202-ю партыю з 23 інтэрнэт-спадарожнікаў Starlink. Гэтая місія павялічыць агульную колькасць запушчаных спадарожнікаў Starlink да 7232 адзінак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com