Сэйм Літвы ўхваліў дэнансацыю яшчэ адной дамовы з Беларуссю

У першым чытанні.

У прэс-службе літоўскага парламента паведамілі, што ў першым чытанні быў ухвалены законапраект аб дэнансацыі міжурадавага пагаднення з Беларуссю аб супрацоўніцтве ў барацьбе з парушэннямі мытнага заканадаўства.

Міністр фінансаў Гінтары Скайстэ заявіла, што пасля пачатку ўварвання Расеі ва Украіну ў 2022 годзе літоўская мытня практычна не супрацоўнічае з беларускімі калегамі. Пры гэтым у адпаведнасці з пагадненнем літоўскі бок павінен прызнаваць дакументы з Беларусі, якія прадстаўляюцца суб'ектамі гаспадарання для пацвярджэння належнага выканання мытных патрабаванняў, працэдуры і законнасці гандлю, адсутнасці парушэння санкцый. Літоўскія органы пры гэтым не могуць праверыць іх сапраўднасць праз спыненне супрацоўніцтва.

За дэнансацыю пагаднення выступілі 93 чальцы Сейма, трое ўстрымаліся. Праект яшчэ будзе разглядацца ў другім чытанні.

Раней Літва дэнансавала пагадненні з Беларуссю аб інвестыцыях і прадухіленні двайнога падаткаабкладання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com