У Расеі скандал: праз дэфіцыт пачалі купляць масла з Украіны

Высветлілася, што яго вырабляюць зусім не ў Аб'яднаных Арабскіх Эміратах.

У Расеі разгарэўся новы скандал, звязаны з дэфіцытам масла. Высветлілася, што масла, якое пастаўляецца з Аб'яднаных Арабскіх Эміратаў, напраўду выраблена ва Украіне на маслакамбінаце Вінніцкай вобласці, а ААЭ выступаюць толькі ў ролі рээкспарцёра, перадае «Дыялог.UA».

Так, расейцы купляюць масла, вырабленае на прадпрыемстве ў Вінніцкай вобласці, але прадаецца ў арабскім пакаванні пад брэндам Ferma.

Відэа з пакаваннем масла, на якім пазначаны ўкраінскі вытворца, хутка распаўсюдзілася ў сацыяльных сетках. На запісе расейская пакупніца паказвае ўпакоўку і абмяркоўвае са здзіўленнем паходжанне прадукту, які, як высветділася, не мае дачынення да Арабскіх Эміратаў.

Сітуацыя выклікала бурнае абмеркаванне ў сацсетках, дзе карыстальнікі з іроніяй каментуюць парадокс.

«Здавалася б, смяшней ужо быць не магло: краіна з бязмежнымі палеткамі імпартуе масла з маленечкага жмутка пустыні. Але не, высветлілася, што ўсё яшчэ больш прыкра. Масла даводзіцца купляць у прамога ваеннага супраціўніка. Без украінскага масла зноў не выходзіць велічы. Няясна толькі адно: калі знішчыць Украіну, як мараць Z-патрыёты, дзе потым масла браць? - іранізуюць сацсеткі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com