У Беларусь прыходзіць новы брэнд электракараў

Зразумела, кітайскі.

У Беларусі ў снежні стартуюць афіцыйныя продажы аўтамабіляў пад брэндам Avatr. Эксклюзіўным дыстрыбутарам стала кампанія «Аўтавельт», а шоўрум брэнду размесціцца на тэрыторыі цэнтра «Аўтаідэя», які займаўся продажам BMW, паведамляе «Люстэрка».

Электрамабілі Avatr, якія выпускае буйная кітайская дзяржаўная кампанія Changan, будуць пастаўляцца наўпрост з завода кампаніі-вытворцы ў кітайскім Чунцыне.

На гэты момант мадэльны шэраг уключае красовер Avatr 11, гран-купэ Avatr 12 і сярэднепамерны красовер Avatr 07. Паводле словаў дыстрыбутара, аўтамабілі маркі адрозніваюцца хуткім разгонам і высокім запасам ходу.

Усе аўтамабілі, якія будуць прадавацца ў Беларусі, атрымаюць заводскую гарантыю на 5 гадоў ці на 120 000 км прабегу.

Нагадаем, пасля пачатку вайны ва Украіне еўрапейскія і амерыканскія аўтамабільныя брэнды разарвалі супрацоўніцтва з Расеяй і Беларуссю. Нішу запоўнілі кітайскія аўтавытворцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com