Сырскі падвёў вынікі аперацыі ў Курскай вобласці за тры месяцы

Сталі вядомыя страты войскаў РФ.

Гетман УСУ Аляксандр Сырскі, падводзячы вынікі аперацыі ў Курскай вобласці, паведаміў, што расейскія войскі на гэтым кірунку страцілі больш за 20 тысяч вайскоўцаў забітымі і параненымі.

Пра гэта паведаміў Генштаб УСУ ў Facebook.

«За амаль тры месяцы аперацыі на 5 лістапада 2024 года страты супраціўніка на Курскім кірунку ў асабовым складзе складаюць 20842 чалавекі, з іх: ліквідавана - 7905, параненыя - 12220, палон - 717», - паведаміў Сырскі.

Паводле ягоных слоў, была знішчаная 1 101 адзінка ўзбраення і ваайсковай тэхнікі ворага.

Гетман зазначыў, што Расея засяродзіла на Куршчыне 45 тысяч вайскоўцаў, і спрабуе павялічыць іх колькасць.

"Уласных войскаў Расеі на гэты кірунак не стае, таму яны спрабуюць прыцягнуць туды вайсковых з Паўночнай Карэі", - сказаў Сырскі.

Таксама ён нагадаў, што расейцы хацелі захапіць больш тэрыторый на поўначы Украіны ў Сумскай вобласці. Аднак, Сілы абароны зрабілі прэвентыўны крок і працягваюць знішчаць ворага на яго тэрыторыі.

«За выяўленыя гераізм і паспяховыя дзеянні падчас Курскай аперацыі дзяржаўнымі ўзнагародамі адзначана блізу 2000 украінскіх вайскоўцаў», - рэзюмаваў Сырскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com