У Беларусі запусцілі новую вытворчасць слуцкіх паясоў

З дапамогай ШІ.

6 лістапада адкрылася новая вытворчасць слуцкіх паясоў, паведамляе дзяржаўны канал "Беларусь 1".

Агульная плошча новага адміністрацыйна-вытворчага корпуса прадпрыемства "Слуцкія паясы" — большая за 3 тысячы квадратаў. Ва ўсіх цэхах спецыяльны рэжым тэмпературы і вільготнасці.

У корпусе размясціліся тры цэхі. Адзін з найважнейшых набыткаў - ткацкая машына са штучным інтэлектам Абсталяванне самастойна карэктуе няправільныя параметры і выпраўляе памылкі.

«Прадукцыя ў нас экалагічна чыстая. Цяпер мы выраўнялі лінейку і накіроўваемся менавіта на экапрадукт. Наша прадукцыя змяшчае лён, поўсць, вельмі маленькую колькасць сінтэтыкі, каб было камфортна, напрыклад, спаць. Акрамя таго што мы выпускаем пасцельную бялізну і сталовую бялізну, яшчэ ёсць шырокая лінейка адзення», - расказала дырэктарка прадпрыемства «Слуцкія паясы» Святлана Бандарчук.

У часы ВКЛ слуцкія паясы лічыліся прыкметай высакароднага паходжання, яго наяўнасць паказвала таксама на дабрабыт уладальніка. Паясы ўпрыгожваліся па краях узорнай аблямоўкай, а канцы — пышным, галоўным чынам раслінным арнаментам, у якім народныя ўзоры спалучаліся з усходнімі матывамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com