Нямеччыну чакаюць датэрміновыя выбары ў парламент

Кіроўная кааліцыя распалася.

Канцлер (кіраўнік урада) Нямеччыны Олаф Шольц звольніў міністра фінансаў Крысціяна Лінднэра - такім чынам кіроўная кааліцыя ўрада раскідалася. Відавочна, неўзабаве краіну будуць чакаць датэрміновыя выбары, паведамляе Euronews.

Шольц прадстаўляе Сацыял-дэмакратычную працоўную партыю (СДП), а Лінднэр – сябра Свабоднай дэмакратычнай партыі (СвДП). Абедзве партыі ўдзельнічаюць у кааліцыі з трох, якія фармуюць кіроўную "кааліцыю святлафора". Апроч пералічаных, туды ўваходзіць таксама партыя Зялёных. Іх сябры збіраліся ўвечары 6 лістапада ў Бэрліне.

Каментуючы прычыны звальнення Лінднэра, Шольц адзначыў, што той "занадта шмат разоў падрываў давер" і таму "больш няма падстаў для далейшага супрацоўніцтва". Таксама канцлер мяркуе, што міністр фінансаў быў "больш заклапочаны выжываннем уласнай партыі".

У адказ на звальненне Лінднэра "свабодныя дэмакраты" адклікалі з урада ўсіх сваіх міністраў. Так усяго за вечар перад Нямеччынай паўстаў далягляд датэрміновых выбараў.

Лінднэр, у сваю чаргу, абвінаваціў Шольца ў "наўмысным распадзе кааліцыі", а яго партнёраў з кааліцыі - у тым, што яны "нават не прынялі" прапановы свабодных дэмакратаў у аднаўленні эканомікі "ў якасці асновы для абмеркавання".

Адзначаецца, што такога зыходу сустрэчы можна было чакаць. Апошнім часам у кааліцыі было нямала супярэчнасцяў. Урад сутыкнуўся з сур'ёзнымі цяжкасцямі пры фармаванні бюджэту на 2025 год, а таксама не быў задаволены паказчыкамі нямецкай эканомікі.

Парламенцкія выбары могуць адбыцца ў наступным годзе, не пазней за канец сакавіка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com