Зяленскі ўпершыню за час поўнамаштабнай вайны прыбыў у Вугоршчыну

Прэзідэнт Украіны сустрэўся з Орбанам.

У чацвер, 7 лістапада, прэзідэнт Украіны Уладзімір Зяленскі прыбыў у Вугоршчыну на саміт Еўрапейскай палітычнай супольнасці і сустрэўся з прэм'ер-міністрам краіны Віктарам Орбанам.

Пра гэта паведамляе выданне Ansa.

Гэта стала першым візітам Зяленскага ў Вугоршчыну з часоў поўнамаштабнага ўварвання Расеі.

"Я буду гаварыць пасля сустрэчы", — адказаў ён журналістам.

Выданне піша, што сярод удзельнікаў саміту "былі пэўныя сумневы" наконт прыезду Зяленскага, улічваючы пазіцыю Орбана наконт вайны РФ супраць Украіны.

Сваю паездку ў сталіцу Вугоршчыны ён анансаваў у вечаровым звароце напярэдадні. Тады прэзідэнт Украіны заявіў аб планах правесці сустрэчы з Орбанам і прэзідэнтам Еўрарады Шарлем Мішэлем.

Кіраўнік дзяржавы таксама адзначыў, што на гэтае мерапрыемства яго запрасіў Орбан, які старшынюе ў Еўрарадзе, і Мішэль. Зяленскі дадаў, што стораны будуць абмяркоўваць выклікі бяспекі ў Еўропе, а таксама новыя магчымасці для ўсіх партнёраў.

Віктар Орбан ужо наведваў Украіну падчас поўнамаштабнай вайны. Гэта адбылося ў ліпені 2024 году. Тады вугорскі прэм'ер заявіў, што спыненне агню магло б забяспечыць Украіне паскарэнне тэмпу перамоў з РФ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com