Ураджэнец Кіева Яўген Віндман абраны ў Кангрэс ЗША

Ён балатаваўся ад Дэмакратычнай партыі.

У Палату прадстаўнікоў Кангрэса ЗША па выніках выбараў 5 лістапада выбраны Яўген (Юджын) Віндман — ураджэнец Украіны, брат былога супрацоўніка апарата Белага дома Аляксандра Віндмана, які быў адной з галоўных дзейных асоб справы аб імпічменце прэзідэнта Дональда Трампа ў 2019-2020 гадах.

Віндман балатаваўся ад Дэмакратычнай партыі ў 7-й акрузе штата Вірджынія. Вынікі выбараў былі падведзеныя толькі 7 лістапада, дэмакрат апярэдзіў свайго апанента-рэспубліканца з адрывам прыкладна на 5 тысяч галасоў.

49-гадовы Яўген Віндман, як адзначае AP, паднімаў падчас сваёй кампаніі тэмы права на аборты і меркаванай пагрозы дэмакратыі ў выпадку перамогі Дональда Трампа на выбарах. Раней ён служыў у войску ЗША і, гэтак жа як ягоны брат, працаваў у апараце Белага дома. «Гэта сведчанне сілы амерыканскага досведу: імігрант, які ўцёк ад савецкага рэжыму і прыехаў у гэтую вялікую краіну з менш як $800 у кішэні, зараз будзе тут абраным кангрэсмэнам Палаты прадстаўнікоў», - заявіў ён.

Браты-двайняты Віндманы нарадзіліся ў Кіеве ў тагачаснай УССР у 1975 годзе, у чатырохгадовым узросце з бацькам пераехалі ў ЗША.

У Кангрэс пераабрана яшчэ адна ўраджэнка Украіны - Вікторыя Спратц ад рэспубліканцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com