Axios: Трамп ужо вызначыўся з ключавымі кандыдатамі ў нацыянальнай бяспецы

Гэта не будуць вайскоўцы.

Пераможца на выбарах прэзідэнта ЗША Дональд Трамп плануе сфармаваць каманду ў нацыянальнай бяспецы з бізнэсмэнаў і кіраўнікоў кампаній, унікаючы прызначэння былых генералаў, паведамляе Axios.

Паводле інфармацыі ад крыніцаў, Трамп разглядае магчымасць прызначыць на ключавыя пасады ў сваёй адміністрацыі людзей, якія будуць прытрымлівацца ягонага курсу і дапамогуць унікнуць рознагалоссяў, з якімі ён сутыкнуўся ў сваёй першай кадэнцыі.

У новай адміністрацыі Трампа можа заняць пасаду дзяржсакратара былы амбасадар ЗША ў Нямеччыне Рычард Грэнэл, які падтрымліваў Трампа ў перадвыбарнай кампаніі, кансультуючы яго ў знешнепалітычных пытаннях. Грэнэл, верагодна, засяродзіцца на дыпламатычных намаганнях ва ўрэгуляванні вайны паміж Расеяй і Украінай. Іншымі кандыдатамі на гэтую пасаду называюць сенатара Біла Хагерці і былога дарадцу ў нацыянальнай бяспецы Роберта О’Браена.

Морган Ортагус, якая раней займала пасаду прэс-сакратаркі Дзярждэпартамента, таксама разглядаецца на высокія пасады ў Дзярждэпе ці ў якасці амбасадаркі. Кангрэсвумэн Эліс Стэфанік можа быць прызначаная амбасадаркай ЗША ў ААН. На пасаду міністра абароны Трамп разглядае кандыдатуры Майка Пампеа і Майкла Уолца. Уолтц і Грэнэл таксама з'яўляюцца кандыдатамі на ролю дарадцы ў нацыянальнай бяспецы.

Сярод магчымых прызначэнняў на пасаду дырэктара ЦРУ згадваюцца Джон Рэткліф і Майкл Уолц, таксама абмяркоўваюцца кандыдатуры сенатара Тома Котана і былога спецпасланніка ў Іране Браяна Хука, які можа ўзначаліць пераходную каманду Дзярждэпартамента. Былы чыноўнік адзначыў, што, беручы да ўвагі падыход Трампа да выбару супрацоўнікаў, канчатковыя прызначэнні могуць быць нечаканымі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com