У кватэры беларусаў знайшлі 25 грамаў ртуці

Надзвычайнае здарэнне адбылося ў Нясвіжы.

7 лістапада ў Нясвіжы супрацоўнікі МНС выязджалі на экстранны выклік, звязаны з выяўленнем ртуці ў кватэры. У выніку праведзенай дэмеркурызацыі ратавальнікамі было сабрана 25 грамаў ртуці і адкідаў, якія змяшчалі ртуць.

Паводле звестак МНС, прычынай выцеку стала пашкоджанне шкляной трубкі ртутнага сфігмаманометра. Пасля дбайнай ачысткі памяшкання і апрацоўкі цяжкадаступных месцаў спецыяльнымі рэагентамі ратавальнікі замералі канцэнтрацыю пары ртуці ў паветры. Вынікі паказалі, што гранічна дапушчальная канцэнтрацыя не перавышаная.

Ртуць - таксічнае рэчыва, небяспечнае для нервовай сістэмы, нырак і лёгкіх. Удыханне яе пароў можа прывесці да галаўнога болю, а працяглае ўздзеянне ртуці выклікае хранічную інтаксікацыю, што можа суправаджацца пашкоджаннем цэнтральнай нервовай сістэмы і нырак, а ў дзяцей - затрымкай развіцця.

У выпадку разліву ртуці важна неадкладна выветрыць памяшканне і абмежаваць доступ да заражанай зоны. Ртутныя шарыкі неабходна акуратна сабраць (напрыклад, пры дапамозе шпрыца ці скотчу), пазбягаючы выкарыстання пыласоса, які толькі паспрыяе выпарэнню рэчыва. Сабраную ртуць трэба змясціць у герметычную тару і перадаць спецыялістам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com