Дроны ўдарылі па Тульскай вобласці РФ: пашкоджаны важны абаронны завод

Прагрымела больш за дзясятак выбухаў.

У расейскай Тульскай вобласці ўночы 9 лістапада прагучалі выбухі. Паведамляецца аб нападзе БпЛА, іх, са слоў відавочцаў, было больш за дзясятак.

Верагоднай мэтай атакі мог быць хімзавод у горадзе Алексін, прадпрыемства працуе на расейскае войска, вырабляе боепрыпасы, піша «Обозреватель».

“Алексін Тульскай вобласці ўсю ноч атакуюць БПЛА, жыхары налічылі як мінімум 11 беспілотнікаў. Мясцовыя ўлады сітуацыю пакуль не каментавалі”, - паведаміла а 5 гадзіне раніцы кіеўскага часу расейскае незалежнае выданне ASTRA.

У раёне Алексіна працавала расейская супрацьпаветраная абарона. А мясцовыя жыхары выкладалі ў сеціва відэа з выбухамі.

"Мяркуецца, мэтай дронаў быў мясцовы хімкамбінат", – адзначае Telegram-канал ВЧК-ОГПУ.

Паводле версіі расейскага Мінабароны, на працягу ночы над тэрыторыяй РФ былі "знішчаны" 50 украінскіх дронаў. Больш за ўсё - над Бранскай вобласцю, там нібыта ўдалося збіць 28 БПЛА. Над Курскай вобласцю, сцвярджаюць у МА РФ, "знішчаны" 12 дронаў, над Наўгародскай - чатыры, над Смаленскай і Тульскай - па два, а над Арлоўскай і Цвярской - па адным БПЛА.

Федэральнае дзяржаўнае прадпрыемства "Алексінскі хімічны камбінат", паводле афіцыйнай інфармацыі, спецыялізуецца на выпуску палімерных і кампазіцыйных матэрыялаў, таксама яно выконвае работы ў галіне капітальнага будаўніцтва, ліквідацыі небяспечных аб'ектаў, рэкультывацыі тэрыторый.

20 ліпеня 2023 года Алексінскі хімічны камбінат патрапіў пад санкцыі ЗША, паколькі вырабляе боепрыпасы, "а таксама палімеры, лакафарбавыя матэрыялы і кампазіцыйныя матэрыялы для ваенна-прамысловага комплексу Расеі".

З 1 красавіка 2023 года камбінат уключаны ў санкцыйны спіс Украіны.

А 23 лютага 2024 года камбінат унесены ў санкцыйны спіс краін Еўразвязу з прычыны таго, што ён "пастаўляе прадукцыю на прыналежныя дзяржаве прадпрыемствы ў вытворчасці пораху, патронаў і боепрыпасаў для ўзброеных сіл РФ".

У 2023 годзе расейскія СМІ пісалі пра планы ўрада РФ уключыць гэтае прадпрыемства ў склад дзяржаўнай карпарацыі "Растэх".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com