Першыя заўзятары з Ізраілю, якія перажылі напад у Амстэрдаме, вярнуліся дадому

Самалёт прызямліўся ў аэрапорце Бэн-Гурыён.

У ізраільскім аэрапорце Бэн-Гурыён сеў першы самалёт, які даставіў дадому з Амстэрдама футбольных заўзятараў, якім напярэдадні прыйшлося перажыць серыю антысеміцкіх нападаў. Каб даставіць дадому астатніх заўзятараў, авіякампанія El Al адправіць яшчэ шэсць бартоў, паведамляе ВВС.

Успышка гвалту, якую ізраільскія і галандскія афіцыйныя асобы асудзілі як праяву антысемітызму, адбылася ў сталіцы Нідэрландаў пасля матчу Лігі Еўропы паміж амстэрдамскім клубам “Аякс” і тэль-авіўскім “Макабі”, які скончыўся разгромнай (5:0) перамогай гаспадара.

Нягледзячы на прыязную атмасферу на стадыёне і прысутнасць паліцыі, пасля заканчэння гульні мясцовыя заўзятара пачалі высочваць і нападаць на заўзятраў ізраільскага клуба.

У выніку сама меней пяцярых ізраільцян давялося шпіталізаваць з рознага кшталту траўмамі.

Мэр Амстэрдама Фемке Халсема згадала, што нападнікі аб'ядналіся ў “банды на скутэрах”, якія чынілі “брыдкія напады”, збіваючы ізраільскіх заўзятараў натоўпам.

Паліцыя дала справаздачу аб затрыманні 62 удзельнікаў пагромаў.

"Я вельмі спадзяюся, што больш ніколі не ўбачу падобнай ўспышкі антысемітызму", – заявіла кіраўніца горада, дадаўшы, што ёй вельмі сорамна за тое, што адбылося.

Кароль Нідэрландаў Вілем-Аляксандр таксама зрабіў заяву, у якой асудзіў напады на ізраільскіх заўзятараў. Ён заявіў, што яго краіна "не павінна рабіць выгляд, што не заўважае" праяў антысемітызму, бо падобнае можа прывесці да "жахлівых наступстваў".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com