Дэталі смяротнага ДТЗ пад Докшыцамі: кіроўца быў п'яны

У выніку ДТЗ ад атрыманых траўм памёр 14-гадовы падлетак.

Кіроўца ВАЗ падчас смяротнага ДТЗ ля аграгарадка Замасточча Докшыцкага раёна Віцебскай вобласці быў п'яны, паведамляе прэс-служба Следчага камітэта. У дачыненні да яго распачатая крымінальная справа паводле ч. 4 ст. 317 («Парушэнне правілаў дарожнага руху асобай, якая кіруе транспартным сродкам у стане алкагольнага ап'янення, якое пацягнула з неасцярожнасці смерць чалавека») КК.

Са звестак следства, сёння ўначы 30-гадовы кіроўца ў стане алкагольнага ап'янення падвозіў кампанію з пяці чалавек. Каля Замасточча ён не справіўся з кіраваннем, з'ехаў у кювет, дзе аўто перакулілася.

У выніку ДТЗ ад атрыманых траўм памёр 14-гадовы падлетак. Кіроўца і яшчэ чацвёра пасажыраў (13, 15, 16 і 18 гадоў) з рознымі траўмамі шпіталізаваныя.

На месцы працавала следча-аператыўная група.

Паводле інфармацыі Міністэрства аховы здароўя, ва ўсіх пацярпелых дыягнаставаны спалучаныя траўмы. Ім надаецца неабходная дапамога.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com