Расейская авіякампанія спыніла продаж білетаў у Менск
2- 9.11.2024, 17:32
- 5,542
Рэйс толкам і не паспелі запусціць.
Расейская авіякампанія Red Wings са снежня спыніла продаж білетаў на авіярэйсы з Ульянаўска ў Менск. Аб гэтым піша «КоммерсантЪ».
На афіцыйным сайце авіякампаніі апошнім днём продажу авіябілетаў абазначана 29 лістапада.
Крыніца выдання, знаёмая з сітуацыяй, растлумачыла, што праблема звязана з тым, што рэйс быў субсідуемым, прычым кошт субсідзіравання авіярэйса ў Менск з боку расейскага рэгіянальнага бюджэту "даволі істотны". Пры гэтым Беларусь не раз заяўляла, што не мае права субсідаваць замежныя кампаніі. Таксама няма і ў Расеі заканадаўчай базы для субсідзіравання авіярэйсаў, якія выконваюцца за мяжу. У сувязі з гэтым была прынятая пастанова субсідаваць авіярэйс чыста з бюджэту Ульянаўскай вобласці — 1,3 млн расейскіх рублёў (крыху больш за 13 тысяч даляраў) на адзін авіярэйс у Менск і назад. У траўні, згодна з праектам пастановы ўльянаўскага ўрада, на субсідзіраванне авіярэйса з чэрвеня да верасня прадугледжвалася 24,7 млн расейскіх рублёў (больш за 250 тысяч даляраў).
"Сумы субсідзіравання з абласнога бюджэту атрымліваліся немалыя, і, паводле маіх звестак, рэгіянальны мінтранс прыняў пастанову змяншаць расходы ў субсідзіраванню менскага авіярэйса", - сказаў субяседнік выдання.
У рэгіянальным мінтрансе тлумачыць прычыны спынення продажу авіябілетаў у Менск адмовіліся. Дырэктар дэпартамента транспарту Юрый Чыбісаў толькі растлумачыў "Коммерсанту", што "пастанова яшчэ не прынятая": "Пакуль скасаваны толькі продаж білетаў, мы знаходзімся з авіякампаніяй у перагаворным працэсе".
Нагадаем, рэйс з Ульянаўска ў Менск і назад быў адкрыты сёлета 2 чэрвеня.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
